Iván Puentes

Abrimos o programa coa actualidade da xornada, conversando co concelleiro de Desenvolvemento Natural de Pontevedra, Iván Puentes, e buscando a previsión metereolóxica para as vindeiras horas. Como cada martes, volvemos ao Hotel Rías Bajas co almorzo informativo semanal, hoxe o noso convidado é o novo presidente do Liceo Casino de Pontevedra, Alejandro Regueiro. Completamos o programa co espazo Cronopios que hoxe ten convidado: o poeta galego Ismael Ramos, gañador do Premio Nacional de Poesía Joven Miguel Hernández.

O primeiro parque de xogos de auga da cidade comezará a construírse nas vindeiras semanas na ribeira do río Lérez que discorre polo Paseo de Rafael Areses (entre as pontes de Santiago e Os Tirantes). Coñecemos os detalles do proxecto co concelleiro de Desenvolvemento Natural de Pontevedra, Iván Puentes

Convidamos ao de concelleiro de Desenvolvemento Sostible e Medio Natural de Pontevedra para coñecer a estratexia para renaturalizar os ríos, conectar o espazo urbano co contorno natural, e en especial co Lérez, e converter a este concello, tamén, en referente internacional en infraestrutura verde, restauración de ríos e loita contra o cambio climático. Un proxecto que se traducirá nunha vintena de actuacións, moitas delas en marcha e financiadas con fondos propios e procedentes de Europa, que suman uns 20 millóns de euros e que se enmarcan baixo a marca paraugas "Pontevedra Flúe"

Abrimos o programa coa actualidade desta xornada de martes e conversando co presidente do comité de fábrica de Ence, Manuel Rivas. Buscamos a previsión metereolóxica e, como cada martes, volvemos ao Hotel Rías Bajas co almorzo informativo semanal, hoxe a nosa convidada é a nova vicerreitora do Campus Universitario de Pontevedra, Eva Lantarón. Ademais, recibimos a visita do concelleiro de Desenvolvemento Sostible e Medio Natural, Iván Puentes, para presentarnos o proxecto "Pontevedra Flúe". Completamos o programa ampliando as nosas bibliotecas particulares en compañía de Mercedes Corbillón con novas recomendacións desde a Librería Cronopios.

Iván Puentes é un dos nomes propios dos últimos días na política local en Pontevedra tras anunciar a súa intención de presentarse ás primarias do Partido Socialista de Pontevedra, co obxectivo de converterse en candidato á alcaldía nas municipais de 2023.

O concelleiro de Desenvolvemento Sostible e Medio Natural, Iván Puentes, acaba de recibir un pulo definitivo para poder levar a bo porto un dos proxectos máis importantes e estratéxicos deste mandato, tanto polo seu volume económico como polas súas repercusións positivas para o futuro da cidade: o plan que permitirá destapar o treito urbano do río dos Gafos, ao seu paso por Campolongo. Falamos dos detalles do proxecto neste almorzo informativo desde o Hotel Rías Bajas

Conversamos concelleiro de Desenvolvemento Sostible, o socialista Iván Puentes, sobre o proxecto que permitirá rehabilitar e acondicionar a antiga ponte do ferrocarril sobre o río Lérez. Unha actuación que xa está en fase de contratación e que permitirá converter esta vella infraestrutura nunha pasarela de tránsito peonil e ciclista que estará integrada na futura vía verde entre Pontevedra e Vilagarcía

Conversamos concelleiro de Desenvolvemento Sostible, o socialista Iván Puentes, sobre o ambicioso proxecto para destapar o río do Gafos na cidade de Pontevedra. Xa está en marcha a contratación do proxecto que permitirá recuperar o tramo do río que discorre na súa desembocadura. Ademais, xa é inminente a convocatoria do concurso internacional de ideas para liberar o río dos Gafos ao seu paso por Campolongo.

Os concelleiros de Turismo e Medio Ambiente Natural de Pontevedra presentaron hoxe en Madrid a nova campaña de Visit-Pontevedra. Yoya Blanco e Iván Puentes estiveron con nós no programa para poñer palabras ás imaxes que conquistaron ao público do Stand de Galicia.

O Plan de Sostibilidade Turística deseñado conxuntamente polas concellerías de Desenvolvemento Sostible e Medio Natural e de Promoción Económica e Turismo logrou ser elixido entre os 9 proxectos consensuados e aprobados polo Goberno central e a Xunta para incluírse dentro dos Plans de Sostibilidade Turística en Destino (PSTD) que se desenvolverán en Galicia ao amparo do Plan Territorial Litoral. Conversamos co concelleiro socialista Iván Puentes sobre os proxectos previstos para a cidade de Pontevedra.