Stellar Circus chega por primeira vez a Ourense para presentarnos o seu espectáculo "Gravity", que tal e como nos adiantou o seu organizador, Ramón Sancristán, conta cunha completa posta en escena. "É un espectáculo sen animais, tematizado no espazo, onde poderedes atopar ximnastas aéreos, equilibristas, malabarista, magos, paiasos...", comentaba Sancristán. Ademais, entre as apostas seguras para deixarnos coa boca aberta atopamos a Éric Niemen, galadornado polo Circo de Montecarlo na modalidade de alambrista.
Pero en "Gravity" o circo non é cousa de nenos."Está pensado para todo tipo de idades, incluso o público máis novo, que no circo tradicional estaba a perderse. Son unha infinidade de atraccións, moi variadas. É o tipo de espectáculo no que a xente o pasa tan ben que non se dá conta de que pasaron dúas horas".
Efectivamente, desde o 26 de abril ao 5 de maio Expourense acolle este incrible espectáculo de dúas horas, con amplitude de horario.
Os venres e o mércores día 1 haberá funcións ás 19 horas. Ademais, por ser o día do espectador, nestas xornadas poderemos facernos coas entradas a prezos máis económicos.
Os sábados haberá dous horarios a elixir, ás 17 e 19:30 horas. E os domingos, funcións ás 18 horas.
Non hai excusa, en "Gravity", de Stellar Circus, un incrible espectáculo está asegurado.