Na actualidade, este núcleo de 500 habitantes vierte as súas augas residuais a diversas fosas sépticas, colapsadas por un funcionamento incorrecto, o que supón pouca ou nula depuración das mesmas. Por outra banda, estas infraestruturas de depuración atópanse dentro do dominio público hidráulico, o que debe evitarse ao abeiro da normativa vixente en materia de augas.
Para solucionar este problema a través deste convenio, a CHMS construirá oito pozos compactos con filtros biolóxicos, de capacidade variable, entre 10 e 200 habitantes equivalentes. En cada unha das actuacións definidas será necesario construír un colector que se cruce co existente e conduza as augas residuais á nova depuradora, así como outro colector de alivio ao río para a evacuación de augas.
As novas fosas construiranse fóra do dominio público hidráulico e derrubaranse os antigos equipos de depuración situados no seu interior. O investimento necesario estímase en 815.000 euros, incluíndo o custo de elaboración do Proxecto, a execución do contrato de obras, así como a dirección facultativa da mesma.
