Toca hoxe facer balance das moitas actividades da fin de semana como o acto de recoñecemento da oficialidade do Camiño de Inverno que tivo lugar onte en Chantada con moita participación, a exitosa recreación histórica que se celebrou no Muferga, ou das xornadas de bio construción celebradas no Pazo de Tor. Pero ademáis, entrevistamos a quen foi secretario comarcal da UGT os últimos 26 anos, Mario Docasar, que asegura que abandonará o sindicato se desaparece a Unión Comarcal. A entrevista electoral de hoxe é co candidato de En Marea, Luis Villares e encetamos o programa conversando co director monfortino Monfortino, Manuel Valcárcel. O seu documental "Tempo" proxéctase hoxe na estrea da Semana de Cine de autor de Lugo.

Presentouse un manual de prevención de riscos laborais na vendima. Falamos desta guía con Héctor González, xefe do equipo técnico de Seguridade e Hixiene do ISSGA. E fin de semana chea de actividades no Museo Ferrocarril con recreación histórica incluida. Actos que repasamos con Luis Blanco, director do Museo, o colaborador Germán López Quiroga e Manuel Arenas da Asociación Histórico Cultural "The Royal Green Jackets". E, entre outros asuntos, coa presidenta da Asociación de Amigos do Camiño de Santiago pola Ribeira Sacra, Aida Menéndez, repasamos actos que preparan o domingo para celebrar a oficialidade do Camiño de Inverno.

O ilustrador Rubén Carral visítanos para falar da exposición que este xoves inaugura no Centro do Viño da Ribeira Sacra "obras inspiradas no seu universo persoal, cargadas de intimismo e evocación" que permanecerán expostas ata o 15 de outubro. Falamos das xornadas de Bioconstrución que a Asociación Espiga vai celebrar esta fin de semana no Pazo de Tor. Repasamos programa das festas de Sober que arrancan este venres. E entre outros asuntos, a entrevista electoral do día é co nº 3 da candidatura do PSOE por Lugo, José Antonio Quiroga Díaz.

O día 22 abre oficialmente a vendima na D.O. Ribeira Sacra. Falamos deste campaña co presidente do Consello Regulador, José Manuel Rodríguez. A entrevista electoral deste día é coa candidata do BNG pola provincia de Lugo, Olalla Rodil. E entre outros asuntos falamos co empresario Gonzalo López da presenza de Losal na Feira Internacional do calzado que se celebrou en Milán e na que participou esta firma monfortina.

Hoxe entrevistamos ás candidatas de En Marea pola comarca de Lemos, Paula V. Verao e Maribel García. Repasamos datos turísticos de agosto e iniciativas do Consorcio Ribeira Sacra, conversando coa xerente, Alexandra Seara e na recta final do programa falamos co director do Museo da Moeda, Rafael Feria, da exposición que preparan sobre Carlos III e na que se poderá ver unha pintura do Pazo Molinos de Antero.

Normalidade no inicio do curso escolar. Conversamos co director do CEIP A Gándara e co do Colexio dos Escolapios. Entrevistamos ao equipo que pon en marcha o servizo de hospitalización a domicilio e o novo secretario comarcal de UUAA. Entre outros asuntos da actualidade máis próxima cos que completamos o programa local de hoxe.

Chega a Monforte unha exposición itinerante sobre as vantaxes da biomasa como fonte de enerxía. Falamos desto con Javier Díaz, presidente da Asociación Española de Valoración Energética de la Biomasa. O Club Aero Lemos será o anfitrión do encontro que este sábado organizou no Concello de Monforte a Asociación de Aviación Experimental no aeródromo de As Lamas, entrevistamos ao presidente do Clube Monfortino, José Antonio Guitián. E t amén elexiu Monforte e a Ribeira Sacra a Federación de Academias de Gastronomía dos Camiños de Santiago para celebrar xuntanza. Danse cita en Monforte representantes das Academias do País Vasco, Cantabria, La Rioja, Extremadura, Castela León e Galicia. Conversamos co secretario da Federación, Francisco García Bobadilla e na recta final escoitamos as declaracións coas que na zona sur arrancaba a campaña electoral na "pegada de carteis".

No programa de hoxe falamos con Mari Fé Ramírez da xornada de limpeza no río Sil que programou para este domingo SilTrip. Coa tenente alcalde do Concello de Monforte de Lemos Gloria Prada e con Roberto Mansilla do Fondo Galego de Cooperación e Solidariedade falamos do acto que teñen programado para as 20:00 h na casa da cultura "Poeta Lois Pereiro". E no Concello O Saviñao, mentres a asociación veciñal segue rexeitando a ubicación elixida para a construción do novo Centro de Saúde, o rexedor local asegura que non hai outra posibilidade. Escoitamos as partes implicadas. Na recta final do programa o rexedor monfortino explicará os asuntos abordados hoxe na reunión que mantivo co Xefe da Demarcación de Estradas do Estado.

Abrimos programa hoxe falando da Romería de Cadeiras no Concello de Sober con Manuel González, da comisión de festas, e co párroco Ramón Piñeiro. Con Manuel Fidalgo falamos da queima das Fachas esta noite en Castelo no Concello de Taboada. Entrevistamos ao director do IGAPE, Javier Aguilera, sobre a posta en marcha dunha aceleradora de empresas no Concello de Monforte de Lemos e Matías Yáñez, propietario do Pazo Molinos de Antero, cóntanos por qué un cadro da súa propiedade foi solicitado para unha exposición que prepara a Real Casa de la Moneda y Timbre sobre Carlos III.

A asociación Afamón cumpre 15 anos e prepara varios actos para conmemorar o Día Mundial do Alzhéimer, repasámolos co traballador social desta asociación, Manuel Carballedo. Os ex ferroviarios homenaxeados por Amafer agradecen o xesto. Hoxe entrevistamos a un deles, Germán López Quiroga e no ámbito educativo prepárase a volta á escola. No caso do IES Daviña Rey agardan polo novo curso inmersos en importantes obras que repasamos co director do Centro, Isaac González.