aje ourense

Arquitectura, funeraria, alimentación e marketing non escapan das especialidades dos xóvenes empresarios ourensáns.

A empresa ourensá Ouro de Cea adícase á produción e distribución de alimentos, entre os que atopamos aceites, viños, marmeladas... Ademais, entre os seus últimos lanzamentos destaca o paté de polbo á feira ou o de polbo con grelos.

Miriam González achéganos á súa faceta de deseñadora de interiores, especializada no deseño de espazos comerciais efímeros así como na reforma de locais. Ademais, tamén se adica ao "home-staging", que consiste en despersonalizar unha vivenda, aportándolle unha decoración neutra para que os seus futuros compradores poidan imaxinala de acordo cos seus gustos e proxectos futuros.

Catro empresas achégannos as súas proprostas no sector da carpintería, a inmobiliaria, a nutrición e o deporte.

La Manzana Prohibida é un centro de nutrición, benestar e deporte, que ofrece asesoramiento íntegro nutricional así como adestramento persoal nun mesmo espazo. Tamara e Santiago destacan a importancia dunha boa alimentación complementada co exercicio físico, por iso ofrecen unha gran variedade de deportes, que se adaptan a todos os gustos: zumba, pilates, adestramento persoal, capoeira... Sempre con sesións personalizadas e cun máximo de tres persoas por grupo.

El Taller é un centro de promoción de hábitos saudables para acadar o benestar físico e emocional.

Somos Vivienda é unha inmobiliaria que ofrece servizos integrais. Non só buscan, venden e alugan pisos e casas senón que tamén ofrecen contacto con decoradores de interiores, fontaneiro, pintor... para lograr a reforma agardada, e sempre baixo un orzamento pechado para evitar sorpresas.

Asesoría laboral, saúde, viticultura e arquitectura, entre os sectores nos que se abren camiño os nosos emprendedores.

"López y Noya Arquitectura y Urbanismo" é un estudio de arquitectura especializado en proxectos de rehabilitación, non só de vivendas senón tamén de comunidades, que vén de gañar o concurso de rehabilitación integral dos Remedios.

Adegas Celme, ubicada na parroquia de Astariz (Castrelo de Miño) e integrada dentro da D.O. Ribeiro, naceu en 2016 da man de Jorge e Dori, que deixaron a enxeñería polo súa paixón, a viticultura. O resultado son viños de cantidades moi limitadas que transmiten a personalidade das súas variedades, a riqueza do seu chan e a delicadeza do seu traballo. Pero, ademais de viño, Adegas Celme tamén produce vermú e están comezando a introducirse no eido ecolóxico