O Concello creará oficinas de Atención Municipal nos barrios da Cidade

Os barrios acollerán Oficinas de Atención Municipal para ofrecer un servizo máis próximo á cidadanía. O alcalde de Ourense e candidato do PP á reelección, Jesús Vázquez, confirma que “cun Goberno en maioría teremos a liberdade precisa para facer que a Administración local sexa máis áxil e accesible que nunca, e que resolva máis rápido as necesidades da nosa veciñanza”. Nestas oficinas poderanse realizar trámites de Rexistro, pago de taxas, seguimento de expedientes, trámites para a obtención do bonobús, certificado de empadroamento, etc. “Esta proposta é un novo paso adiante no noso proxecto por converter ás persoas no motor das nosas actuacións. Queremos que Ourense sexa a mellor cidade para vivir, e con esta medida dinamizaremos os barrios, facilitaremos a concliación laboral e os nosos maiores e persoas con problemas de mobilidade xa non terán que desprazarse ao centro”, explica Jesús Vázquez Abad. “Con esta proposta dámoslle resposta a unha vella demanda da veciñanza, que reclama unha administración máis próxima e un tratamento máis persoal. Cunha administración amiga gañamos todos. Pero para poñela en marcha precisaremos o apoio da cidadanía, cun Goberno forte que non dependa dunha oposición obsesionada en entorpecer todas as propostas e proxectos, como ocorreu neste mandato. Un claro exemplo foi a nosa proposta de Pacto Social, que foi rexeitada, sin tan siquera mirala, por parte da oposición”, lembra Jesús Vázquez Abad. Ademais, o alcalde de Ourense e candidato á reelección defende que este proxecto tamén permitirá mellorar a mobilidade, reducindo o tráfico cara o centro da cidade, cos conseguintes beneficios en materia de Saúde de Medio Ambiente para todas as veciñas e veciños.