Avances para a comarcalización do servicio de bombeiros

O Concello de Ourense acolleu este mércores unha reunión para analizar o estado da comarcalización do servizo de Bombeiros, e para seguir dando os pasos necesarios e axilizar o proceso. O alcalde de Ourense, Jesús Vázquez; o concelleiro de Seguridade, Carlos Campos e a concelleira de Recursos Humanos, Flora Moure, mantiveron un encontro co director xeral de Emerxencias, Santiago Villanueva; o xefe do Servizo de Seguridade, José González Cores e o presidente do Consorcio Provincial, Pablo Pérez, para seguir avanzando neste proxecto.