parques infantiles

Os traballos de remodelación supoñen un investimento de 47.386,02 euros e enmárcanse no plan de modernización de parques infantís da cidade, en concreto, na execución da súa primeira fase.

As obras do proxecto inclúen unha reforma integral das instalación do parque coa incorporación de catro novos xogos. Ademais, incluirase o cambio completo do caucho do chan da zona de xogos e un novo multixogo para mellorar a oferta do parque.

Os traballos centraranse nesta fase na reparación do chan de caucho da área de xogos, que sumará mais de 600 novos metros cadrados de chan continuo absorbente a impacto. En conxunto, investiranse 48.356,25 euros.

Estes traballos forman parte das actuacións que leva a cabo a Concellería de Medio Ambiente dentro do plan de mellora dos parques infantís da cidade de Ourense.

O concelleiro de Medio Ambiente, Jorge Pumar, lembra que esta acción “dálle resposta a unha demanda amplamente solicitada pola veciñanza do barrio, e continuamos a traballar para ir avanzando na mellora de máis zonas infantís por toda a cidade e o seu perímetro rural”.