Falamos no programa de hoxe das moitas cabalgatas que se van a celebrar esta tarde e tamén mañá. Entrevistamos ao alcalde de Monforte e escoitamos á oposición porque sigue a polémica sobre a bonificación que solicita Prodeme para obras no polígono industrial.

Abrimos entrevistando a Vicente Docasar, coordinador da Aula Mentor do IES Daviña Rey. Escoitamos a Nemesia Fernández, unha veciña de Pantón de 105 anos de idade. Máis dun século de vida á que tamén nos aproxima a súa filla Hermitas e Mar López Sotelo. Entre outros asuntos repasamos actividades de Nadal que mañá pechan en Pantón e tamén en O Saviñao, dúas das moitas localidades que preparan cabalgata para este venres.

Crece en Monforte a preocupación polo estado no que se atopan moitas casas abandonadas. Falamos no programa de hoxe coa propietaria dunha vivenda na zona da Compañía que leva máis dun ano agardando solución para o problema que sofre a súa vivenda e que ela mesma nos conta. Coa Directora Xeral do Patrimonio Cultural falamos do expediente aberto para declarar BIC a Ribeira Sacra. Ada Agrasar fálanos do libro que reedita de Amor Meilán sobre a lenda da "coroa de fogo" e entre outros asuntos, falamos dos accesos ao porto seco.

Neste primeiro programa do ano convidados á radio a campións do ámbito deportivo e tamén educativo. Visítannos medallistas e adestrador do Neka e un enxeñeiro soberino, Gael Verao Fernández, investigador e profesor asistente na Universidade de Gante. Falamos do primeiro nacemento de 2018 no Hospital Comarcal co xerente do mesmo e co alcalde de Monforte repasamos a última hora sobre as casas que cairon na rúa Calvo Sotelo.

Rematamos ano facendo balance deste 2017 que estamos a piques de despedir con compañeiros da prensa escrita, Ángel Arnáiz de El Correo Gallego, Carlos Cortés de La Voz de Galicia e Luis Antonio Rodríguez de El Progreso. Entre outros asuntos, recollemos tamén balance do pleno celebrado onte no que perdeu o alcalde a cuestión de confianza á que se someteo por segunda vez en este mandato.

Falamos hoxe de poesía e maxia co poeta Lois Pérez e o mago Javier Muro. Os dous teñen actos programados hoxe en Monforte. Con Evaristo Méndez, da Asociación Fonte do Milagro, falamos dunha singular iniciativa que preparan para despedir o ano. Co alcalde de A Pobra do Brollón, Xosé Lois Maceda, coñecemos como é a nova web que veñen de presentar no citado concello. E rematamos resumindo outros asuntos que tamén forman parte da actualidade máis próxima.

Seleccionados os dez finalistas do Concurso de Ideas Empresariais da Fundación Semente Monforte. Falamos desto con Severino Rodríguez voceiro da Fundación. Con José María Vega do Club Taekwondo Neka repasamos temporada e recepción que hoxe teñen no concello. Entrevistamos ao voceiro do BNG en Monforte, Emilio Sánchez, e o alcalde do Concello de Sober, Luis Fernández Guitián. Entre outros asuntos que repasamos da actualidade máis próxima.

Abrimos programa facendo balance do ano para o sector vitícola co presidente do Consello Regulador da D.O. Ribeira Sacra, José Manuel Rodríguez. Conversamos tamén coa voceira do PP de Monforte, Julia Rodríguez, que non descarta que se poida presentar neste concello unha moción de censura. Son entre outros, asuntos da actualidade máis próxima que repasamos no programa de hoxe.

O sorteo de Nadal é o gran protagonista do día. Falamos cos loteiros que venderon en Monforte e Ferreira de Pantón algúns billetes de números premiados, do segundo e de dous quintos, entre outros asuntos do día.

Abrimos programa falando co maquinista, José Luis Rodríguez Rivera, repasamos con él seguridade e normativa entorno aos pasos a nivel despois de que esta pasada noite morrera unha muller atropelada polo tren no paso a nivel de A Florida. Deste e outros asuntos da actualidade monfortina falamos co alcalde, José Tomé Roca. Conversamos tamén co director do Conservatorio Municipal, que prepara Festival de Nadal para este xoves e coa concelleira de cultura sobre o Festival de Panxoliñas.