O Concello de Ourense comezou, na Biblioteca Pública de San Francisco, o programa de animación á lectura 'Ler conta moito', unha iniciativa da Xunta de Galicia en colaboración coas entidades locais. A primeira das sesións foi a de Xela, a superheroína de aldea, a cargo de Inma Soto, e contou coa asistencia da concelleira de Educación, Tamara Silva.
O programa continuará a través das bibliotecas públicas municipais da Ponte, San Francisco e A Carballeira durante os meses de xullo e de agosto. Está dirixido ao público infantil -entre 2 e 12 anos-, pero está aberto a persoas de todas as idades. As actividades son de balde e comezarán ás 11.00 horas.
Xullo 2023
Venres 21, 11.00 horas – BPM A Ponte
Cecilia e a súa boneca. A Run Run
Xoves 27, 11.00 horas – BPM A Ponte
A maxia dos contos. Mago Teto
Venres 28, 11:00 horas – BPM San Francisco
O mago Albert ten moito conto. Mago Albert
Agosto 2023
Mércores 9, 11:00 horas – BPM A Carballeira
Uxía e o garabato. Sabela Gago
Mércores 23, 11:00 horas – BPM A Carballeira
Antoloxía de despropósitos. A maga Fani.
'Ler conta moito' é unha actividade da Xunta de Galicia para dinamizar a lectura a través de contacontos para achegarlle á cidadanía a lectura dunha maneira lúdica e atraente. Desenvólvese nas bibliotecas públicas adheridas á Rede Galega de Bibliotecas Públicas.
