Bueu

Comezamos nova temporada viaxando por Galicia para coñecer o novo proxecto en Negreira do chef vasco Juan Mari Arzak e as rutas por Bueu que integran a programación paralela ao Festival Internacional de Curtametraxes FICBUEU. Repasamos a actualidade do sector cunha primeira parada en directo no Porriño e marcamos unha axenda de ocio para a fin de semana. De viaxe polo mundo lévanos unha galega viaxeira natural de Tui: Andrea González, pianista e investigadora

Este xoves "degustamos Europa" a través da radio desde a Praza de Abastos de Bueu. Sumámonos á iniciativa da Deputación de Pontevedra para poñer en valor os mercados, os produtos e os centros de formación en hostelería da nosa provincia.

Durante todo o programa estamos pendentes da actualidade que chega de Bruxelas, en conexión permanente cos servizos informativos. Repasamos a actualidade da xornada en clave local e almorzamos co alcalde de Bueu, Félix Juncal. Como cada martes ampliamos as nosas bibliotecas particulares con novas recomendacións CRONOPIOS. E pechamos o programa con música pontevedresa porque nos visita o grupo ONION SMILE.

Conversamos no inicio do programa co alcalde de Bueu, Félix Juncal, sobre as novidades no caso do Edificio Pintos e o desaloxo fixado para o 2 de novembro. No tempo da entrevista falamos de cine co produtor da película "A praia dos afogados" rodada na nosa provincia e que este venres se estrea nas carteleiras. Conectámonos co campus universitario para coñecer as novidades da semana e temos sesión coa nosa coach de cabeceira, Raquel Pedrouso.

No programa deste xoves damos voz aos afectados da "Lona da vergonza de Bueu" e compartimos con vostedes o encontro que mantivemos coa escritora María Oruña en Cronopios. Temos nova edición de "Ponte Calidade" na que hoxe convidamos á concelleira de Promoción Económica, Anabel Gulías, para coñecer o proxecto "Pontevedra ten un puntazo"