Eleccións U.D. Ourense
Os socios do Ourense estaban convocados a eleccións na tarde do mércores 25 de xuño de 2025 para elexir a unha nova directiva que será a encargada de rexir os destinos do club vermello na recén estreada categoría de Segunda Federación.
O resultado estaba cantado, entre outras cousas, porque era unha candidatura única encabezada polo anterior vice presidente (Javier Orbán) e na que se manteñen 3 persoas que estaban na anterior, o propio Orbán, Chelo López, o anterior presidente (Fernando Currás) e o tesoreiro José Antonio Quintana. Sumáronse a candidatura Luis Portabales, Noelia Álvarez e Alberto Rodríguez.
Javier Orbán, novo presidente do Ourense
O empresario Javier Orbán é o novo presidente do Ourense. Orbán era vicepresidente no anterior mandato e entre as súas funcións estaba a de ser a cabeza visible da parte comercial do club sendo o responsable de moitos dos patrocinios vixentes.
Nova directiva da Unión Deportiva Ourense
- Javier Orbán: presidente
- María Consuelo López Caride: vicepresidenta
- Alberto Rodríguez Rodríguez: secretario
- José Antonio Quintana: tesoreiro
- Noelia López Ferreiro: vogal
- José Luis González Portabales: vogal
- Fernando Currás Gallego: vogal
Resultado votacións nas eleccións a nova directiva da U.D. Ourense
A resposta dos socios do Ourense foi moi favorable ó novo proxecto que encabeza Javier Orbán.
- Si: 69 votos
- Non: 2 votos
- Abstención: 3 votos
- Votos nulos: 1 voto
O Ourense na parte deportiva a día de hoxe
O Ourense actualmente ten renovados a varios xogadores
- Jose Suarez
- Pol Bueso
- Javi Labrada
- Lucas Puime
- Pablo Parrilla
- Manu Vizoso: gardarredes que chega do Pontevedra CF
- Santi de Prado: laterar ou interior dereito que chega da SD Compostela
Xogadores en axenda: Moitos xogadores están na órbita do Ourense nestos momentos. Algunha renovación casi inminente (Justino, Migui, Osian e Noel) outras en proceso (Champi, Varo, Samu Pardo ou Viti entre as principais opcións), algunha volta (Manu Núñez ou Markitos) e a rumoroloxía ten en carteira a varios xogadores co Pontevedra CF (Rufo, Xabi Domínguez ...) ou o Estradense (Victor Gamarra e Valentín Jaichenko) no punto de mira.
Entrevista a Javier Orbán en Onda Cero
Javier Orbán pasou por Onda Cero cando aínda non estaba a candidatura presentada para contar as liñas maestras dos vindeiros 4 anos.
