onda cero monforte

A-Z

Monforte na Onda 11/04/2016

11/04/2016 15:56

Monforte na Onda 11/04/2016

Falamos do crecemento experimentado pola producción ecolóxica en Galicia coa Conselleira de Medio Rural, Ángeles Vázquez. Co delegado de Patrimonio de Bens Inmobles da Diocese de Lugo, Miguel Gómez, repasamos actuacións que se van realizar no Conxunto Monumental de Diomondi. Co alcalde de Sober, Luis Fernández Guitián, repasamos actualidade do concello Soberino e entre outros asuntos de actualidade, o Deputado Socialista Vicente Docasar, explícanos por qué pide no Parlamento Galego que se paralize a implantación da Lomce.

Monforte na Onda 08/04/2016

08/04/2016 14:19

Monforte na Onda 08/04/2016

Edulis, Manuel Bistró, Restaurante O Grelo e Parador de Monforte de Lemos participan do recetario editado por Onda Cero Galicia, "Nuestras recomendaciones gastronómicas". Hoxe metémonos nas cociñas destes establecementos para falar cos profesionais que traballan nelas. Tamén falaremos con que foi xerente do GDR Ribeira Sacra, Martin Alemparte, porque empezan a dar pasos para crear un novo grupo de desenvolvemento local o que se suman os concellos de Caurel, O Incio, Samos,Triacastela e As Nogais. Son entre outros, asuntos que repasamos este venres.

Monforte na Onda 07/04/2016

07/04/2016 15:52

Monforte na Onda 07/04/2016

No programa de hoxe entrevistamos á Delegada da Xunta, Raquel Arias, que clausura en O Saviñao obradoiro de emprego compartido entre O Saviñao, Sober e Pantón. O presidente do CRDORS, José Manuel Rodriguez, recentemente chegado de Milán e Canarias, onde participou de actos promocionais para os viños desta denominación. E entre outros asuntos, coa xerente do Consorcio Turístico, Alexandra Seara, repasamos acordos do último pleno celebrado polos membros desta entidade.

Monforte na Onda 06/04/2016

06/04/2016 14:48

Monforte na Onda 06/04/2016

Falamos co alcalde de Monforte sobre o Plan Especial de Protección do Casco Histórico. Contámoslle que en Pantón tamén se retoma a elaboración do PXOM. Un técnico de Reacciona 2020 explica o obxetivo desta iniciativa. Falamos da actividade formativa que promove Evega no Centro do Viño e repasamos historia da fábrica de calzados Curtidos Galaicos con José Ángel Pérez Reñones. Son, entre outros, asuntos da actualidade máis próxima que ocuparán hoxe o noso tempo de radio local.

Monforte na Onda 05/04/2016

05/04/2016 18:18

Monforte na Onda 05/04/2016

Este martes, entre outros asuntos de actualidade, entrevistamos a Saleta Goy, viúva do poeta Manuel María. Repasamos datos do paro con Mario Docasar de UGT e con Luisa Astray, educadora da Unidade Asistencial de Drogodependencias, falamos do acto que teñen preparado esta tarde no Concello de Pantón.

Monforte na Onda 04/04/2016

04/04/2016 15:14

Monforte na Onda 04/04/2016

A tráxica morte dun neno de 8 anos lévanos hoxe ata Sober. Falamos do suceso co alcalde soberino Luis Fernández Guitián e con Oscar Blanco, director do Colexio dos Escolapios onde estudaba o cativo. Entrevistamos ao inspector xefe da Comisaria de Policía de Monforte, Juan Mariñas. Repasamos como queda a nova directiva do CCU, que segue mantendo como presidenta a María José Senrra, coa propia María José, e co xerente Angel Folgueira, e entre outros asuntos, buscamos balance da VIII edición da Carreira Popular de Monforte co técnico de deportes Óscar Rodriguez.

Monforte na Onda 01/04/2016

01/04/2016 15:11

Monforte na Onda 01/04/2016

Analizamos no programa de hoxe a situación na que se atopa o servizo de uroloxía do Hospital Comarcal de Monforte co único urólogo que hai nestes intres, o doutor Alejandro Sousa Escandón e tras pasar onte polos xulgados, hoxe entrevistamos a Carlos Somoza, xerente da empresa Alcor Seguridade que segue sendo investigado e imputado por varios delitos. Repasamos no programa de hoxe estes e outros asuntos da actualidade más próxima.

Monforte na Onda 31/03/2016

31/03/2016 17:08

Monforte na Onda 31/03/2016

31/03/2016 17:08

Monforte na Onda 31/03/2016

Integrantes da Federación de Traballadores de Seguridade Privada (FTSP) da Unión Sindical Obrera concéntranse diante dos xulgados de Monforte. Cóntanos por qué Fernando López, responsable provincial da FTSP-USO. Entrevistamos a Margarita Ledo, profesora, escritora e académica, que nos fala do documental que fixo sobre Manuel María e que hoxe presenta en Monforte nun acto no que tamén intervirá o escritor Antón Lopo, que tamén estará no programa de hoxe. E repasamos actividade monfortina conversando co alcalde, José Tomé Roca.

Monforte na Onda 30/03/2016

30/03/2016 18:31

Monforte na Onda 30/03/2016

Semana Santa excepcional de turismo na Ribeira Sacra segundo os datos que manexa o Consorcio Turístico. No programa de hoxe repasamos estes datos coa xerente, Alexandra Seara. Facemos empresa presentándolles á nova xerente do Espazo Gastronómico da Praza de Abastos de Monforte. Co técnico de deportes, Óscar Rodríguez, repasamos novidades da VIII Carreira Popular que se celebra o domingo 3 de abril. Escoitaremos á deputada do PP, Julia Rodriguez, que segue con iniciativas relacionadas coa muralla de San Vicente, ao deputado socialista Vicente Docasar Docasar, con iniciativas relacionadas co ensino, e á voceira do BNG Pilar López que acusa ao alcalde de manipular a realidade para criticar a xestión do goberno anterior no tema de Aqualia.

Monforte na Onda 29/03/2016

29/03/2016 19:30

Monforte na Onda 29/03/2016

Hoxe celebramos Festa Local en ‪Monforte‬ en homenaxe a patrona, á Virxen de Monserrat. O día inclue ritos que se repiten dende 1598. No programa de hoxe repasamos a historia desta tradición co investigador Felipe Aira. Geni Barbagelata, da Asociación de Amigos da Pandeireta repasa actividades que preparan para os próximos meses empezando por homenaxear este venres o poeta Manuel María. E con Rosana Somoza falamos de actividades solidarias que promoven dende a Asociación de Veciños de Rioseco.