Gente Viajera de Galicia

A-Z

Onda Cero Galicia

23/05/2016 14:37

Gente Viajera de Galicia 13-05-2016

Este venres, véspera do festival de Eurovisión en Estocolmo, coñecemos a unha pontevedresa viaxeira, Julia Varela; que será xunto a Jose María Iñigo, os encargados da retransmisión do festival.Para durmir escollemos o concello de Outeiro de Rei, xa que foi onde naceu Manuel María, o escritor homenaxeado este ano polas Letras Galegas.Conmemoramos o día dos museos na cidade de Pontevedra onde o concelleiro Luis Bará nos prensenta todalas novidades do CITA e para comer imos ata A Estrada onde se celebra a Festa do Salmón. Rematamos con música de Love of Lesbian para concluir cunha axenda de ocio da fin de semana

Onda Cero Galicia

09/05/2016 16:03

Gente Viajera de Galicia 06-05-2016

A viaxe desta semana lévanos ata Estambul da man dunha galega viaxeira, Patricia Alonso, e a súa cadela Leia, ambas percorreron en coche desde Ferrol os case 4.000 quilómetros ata a cidade turca e comparten con nós esa aventura. De volta a Galicia percorreremos catro das nosas cidades: en Vigo visitaremos os seus montes para inscribirnos nunha nova andaira, en Ourense comeremos de tapas nunha nova edición de #SaboresdeOurense, en Lugo durmiremos nun hotel histórico a pé da Praza Maior, e en Santiago abriremos a nosa AXENDA coa programación da Ascensión

Onda Cero Galicia

02/05/2016 10:09

Gente Viajera de Galicia 29-04-2016

Este venres en Gente Viajera de Galicia imos ata GRECIA pero a viaxe fáisenos dura porque non imos de turismo, imos coñecer a realidade de LESBOS e IDOMENI con tres galegos viaxeiros solidarios que acaban de volver dos campos de refuxiados sirios. Ademais, emprendemos ruta con DESTINO GALICIA para facer Perriturismo, comer e beber (con moderación...) na Feira do Viño de Vilachá de Salvadur na Pobra do Brollón, e durmir nun cinco estrelas mirando ao mar na cidade da Coruña, no Hotel Finisterre. Marcaremos tamén unha axenda cultural e de ocio para desfrutar da fin de semana a ritmo de Dirty Dancing

Onda Cero Galicia

25/04/2016 11:18

Gente Viajera de Galicia 22-04-2016

A viaxe deste venres levaranos polas catro provincias galegas con parada en Melide para sumarnos á súa Foliada, en Friol para durmir nun hotel entre natureza neste día Mundial da Terra, en Arbo para degustar a lamprea estreando a distinción de "interese turístico nacional" para a súa festa gastronómica, e en Ourense para abrir a AXENDA da fin de semana. No tempo da entrevista convidamos a tres galegos viaxeiros grazas ao cine: Luís Tosar, Mario Casas e Farruco Castromán, que estrean nova película nas carteleiras e no Festival de Cine de Málaga: "Toro", rodada entre Galicia e Andalucía

Onda Cero Galicia

18/04/2016 16:12

Gente Viajera de Galicia 15-04-2016 Especial -Salón do Libro Infantil e Xuvenil de Pontevedra

Este venres viaxamos entre contos desde o Salón do Libro Infantil e Xuvenil de Pontevedra. Unha edición especial de GENTE VIAJERA DE GALICIA rodeados de galegos e galegas que fan viaxar aos máis cativos a través da literatura e que ademais viaxan polo mundo grazas a ese fermoso traballo.

Onda Cero Galicia

11/04/2016 10:30

Gente Viajera de Galicia 08-04-2016

Este venres percorremos Galicia desde a costa ata o interior para visitar unha das localizacións da película de Almodovar que se acaba de estrear: ARES será o lugar escollido. Deixamos a costa da Coruña para comer no interior da provincia de Lugo buscando unha das mellores fabadas do mundo, a que se cociña no Bar Plaza de Monforte de Lemos. Para durmir subimos ata 2000 metros de altura e descansamos no primeiro Hotel Starlight de Galicia: A Aira da Petada no concello da Veiga, coa Pena Trevinca ante nós. E de viaxe fóra de Galicia ímonos co actor Carlos Blanco e o debuxante Luís Davila, que acaban de volver de Edimburgo e estrean novo espectáculo, "Menú da Noite".

Onda Cero Galicia

05/04/2016 11:57

Gente Viajera de Galicia 01-04-2016

Na viaxe desta semana chegamos ata a cidade china de XIAMEN guiados por un arquitecto galego, visitaremos os lugares máxicos do Camiño de Santiago a través de fotos e relatos (www.1000caminos.com), comeremos as OSTRAS en Arcade (Soutomaior) e durmiremos nunha pousada a pé dun castelo e rodeada de xardíns. Ademais, como cada venres, repasamos a actualidade da semana e marcamos unha AXENDA cultural e de ocio

Onda Cero Galicia

21/03/2016 14:35

Onda Cero Galicia

21/03/2016 14:35

Gente Viajera de Galicia 18-03-2016

Comezamos repasando a actualidade do sector turístico e conversando cunha galega viaxeira: a alpinista Chus Lago. Coa nosa guía 4x4 visitamos a cidade de Ourense para celebrar cun baño termal o Día Mundial da Auga (22 de marzo), comemos receitas con camelia na LII edición do concurso/exposición da camelia en Pontevedra, e durminos nunha aldea de tres casas convertidas en hotel en Camariñas. Ademais, como cada venres, marcamos axenda cultural e de ocio en Galicia

Onda Cero Galicia

14/03/2016 12:18

Gente Viajera de Galicia 11-03-2016

Comezamos repasando a actualidade do sector turístico e conversando cun galego viaxeiro: Ramón Huidobro, director xeral do Consello Regulador da DO Rías Baixas. Coa nosa guía 4x4 visitamos o Parque Arqueolóxico da Arte Rupestre de Campolameiro, comemos as uñas na Taberna da Feira en Compostela para celebrar a festa de San Lázaro, e durminos no Hotel Piornedo aproveitando a fin de semana de sol con neve nos Ancares. Ademais, como cada venres, marcamos axenda cultural e de ocio en Galicia

Onda Cero Galicia

29/02/2016 13:30

Gente Viajera de Galicia 26-02-2016

A pesar do temporal ímonos de viaxe por Galicia visitando a Costa da Morte para descubrir "O Camiño dos Faros", comeremos na cidade de Lugo estreando carta no restaurante Paprica do chef Alvaro Villasante, e durmiremos nun dos concellos protagonistas da semana co anuncio de fusión: Cerdedo, alí visitamos a pequena aldea de Pedre e a casa A Florinda. O galego viaxeiro que nos acompaña no tempo da entrevista é o campión de España de baile deportivo, Adrián Esperon. Ademais, repasamos a actualidade da semana e completamos a viaxe con propostas de ocio para a fin de semana.