árboles

O Concello de Ourense, a través da Concellería de Medio Ambiente, inicia os traballos de plantacións de árbores en alcorques da cidade. Estas actuacións son a primeira fase do plan de plantación de mil árbores no conxunto da cidade, que se vai desenvolver nos próximos meses.

As plantacións incluirán especies como cerdeiras do xapón, loureiros, castiñeiros, carballos ou perais de fror, entre outras. Desta forma, e con este amplo abano de especies, o Concello potencia o valor ornamental e paisaxístico da cidade, ademais de fomentar a biodiversidade, un factor clave para asegurar a súa permanencia en caso de pragas ou enfermidades graves.

O plan ten un obxectivo: “que todos os alcorques da cidade conten cunha árbore, para que todos os cidadáns de Ourense poidan desfrutar da biodiversidade das especies arbóreas e das súas vantaxes medio ambientais”, afirma Jorge Pumar, concelleiro de Medio Ambiente.