O xulgado do Carballiño ordena preparar xuizo oral contra Pachi Vázquez

Un auto da xuiza do xulgado de instrucción numero 2 do Carballiño, Victoria Candamo conclúe que hai "indicios racionais" de cando menos cinco presuntos delictos de presunta prevaricación continuada nas contratacións realizadas no Concello do Carballiño entre os anos 1999 e 2011 e insta a preparar xuizo oral contra o ex alcalde e ex secretario dos socialistas galegos, Pachi Vázquez, o seu sucesor na alcaldía, Carlos Montes e tres ex edis. Segundo a xuiza do Carballiño os encausados cando estaban no exercicio dos seus cargos suscribiron ate sesenta contratacións nas que non se atenderon principios de igualdade, mérito, capacidade e publicidade malia que foron advertidos con informes e reparos de secretario e interventora.

Sen embargo a defensa dos socialistas alegou que Pachi Vázquez non dera orden de contratacións e que naquel intre tampouco había no concello unha regulación específica para a selección de persoal laboral temporal, argumentos que se volverán a utilizar nun recurso que xa anunciou o ex alcalde carballiñés. Neste mesmo auto, a xuiza acorda que se arquive o relativo a unha presunta falsedade documental de Carlos Montes.