Neste senso os populares critican a falta de diálogo previo antes de recibir a documentación: “Resulta preocupante que se nos envíe un borrador sen ningún tipo de aviso e, o que é máis grave, sen ningún intento de consenso ou participación dos grupos da oposición na súa elaboración”, lamenta a Ana Méndez.
A popular lembra ademais que o alcalde “non conta con maioría absoluta” e que o Partido Popular “é o primeiro grupo da oposición e o que conta con maior respaldo dos veciños”.
Desde o PP avanzan que continuarán a estudar o documento en detalle para facer unhas aportacións que cumpran coas necesidades reais da cidade. “Presentaremos as correspondentes emendas, porque é a única vía que temos para incorporar as nosas propostas e mellorar uns orzamentos que non foron dialogados”, explica a voceira.
