O alcalde de Ourense, Gonzalo Pérez Jácome, comprometeu unha axuda de 50.000 euros para a nova sede da Asociación Española Contra o Cancro (AECC). Fíxoo no transcurso dunha reunión coa directiva da AECC, representada pola súa presidenta, María Isidora Gómez Segade, e Alberto de Paula, cos que tivo a oportunidade de coñecer os detalles do traslado da súa sede á rúa de Doutor Marañón.
O rexedor recoñeceu a importancia desta asociación sen ánimo de lucro, que “fortalece e complementa o labor doutras institucións”. Ademais de contribuír á dinamización do centro histórico da cidade, Pérez Jácome salienta que “a nova sede a axudará a dar servizo aos ourensáns que teñen que pasar por este lance cando a vida dá estes reveses”. Así, o Concello manifesta o seu propósito de seguir colaborando coa AECC nos proxectos que desenvolve a prol da veciñanza de Ourense.
A subvención nominativa chegará este 2021 e deberá aprobarse polo Pleno.