Arde un vehículo no centro de Verin

Un conductor ourensá saiu ileso esta mañá despois de que o vehículo no que circulaba pola Avenida Luís Espada de Verín comezase a arder. O home de 72 anos baixouse do turismo ao ver lume no capó dándose a circunstancia de que xusto detrás circulaba unha patrulla da garda civil de tráfico que o auxiliou utilizando un extintor. Ate o lugar acudiron tamén bombeiros de Verín que colaboraron na extinción. O vehiculo foi retirado posteriormente da vía pública abrindose a correspondente investigación para averiguar as causas do suceso.