Entrevista viaxeira
17/05/2019 06:00
Convidamos esta semana a unha cantante viaxeira que cumpre 15 anos de carreira e celébrao con novo disco: "Quince soles". Lucía Pérez vivíu a semana das letras galegas actuando na cidade de Lugo e con ela falamos do Incio, a súa vila natal, das súas novas cancións e de todas as viaxes que ten feito levando a súa música polo mundo
Onda Cero Galicia
17/05/2019 06:00
Neste venres 17 de maio viaxamos por algúns dos escenarios importantes na vida de Antonio Fraguas: desde Cerdedo-Cotobade, a súa vila natal, ata Santiago de Compostela. Na capital galega facemos parada coa directora da Revista Pincha, Rebeca Munín, para poñernos ao día sobre as últimas propostas de cultura e gastronomía. A banda sonora do programa correu a cargo da cantante Lucía Pérez, unha galega viaxeira orgullosa do Incio que celebra 15 anos na música co seu novo traballo "Quince soles". Completamos a viaxe practicando Windsurf Foil en Limens, na ría de Vigo
Onda Cero Galicia
10/05/2019 06:00
Comezamos o programa repasamos a actualidade máis turística e facendo unha viaxe express pola Compostela de Antonio Fraguas. No tempo da entrevista convidamos ao novo director do Museo de Pontevedra, Jose Manuel Rey. Estreamos sección coa fotoxornalista Alba Sotelo, unha auténtica "rural influencer" que vai propoñernos unha viaxe diferente polas parroquias galegas. O noso destino final é Bilbao da man da viceconsejera de Turismo do Goberno Vasco, Isabel Muela.
#RuralInfluencers
10/05/2019 06:00
A familia viaxeira medra coa incorporación da fotoxornalista Alba Sotelo, unha muller amante do rural que nos vai levar da man polas parroquias galegas para descubrir a Galicia máis auténtica. O primeiro dos destinos é Bueu coas súas seis parroquias cheas de vida, de festas, tradicións e veciños que se coidan entre si. Neste podcast podes volver escoitar a primeira viaxe rural.
Onda Cero Galicia
03/05/2019 06:00
Esta semana subímonos á furgo de Román Pena para percorrer Galicia seguindo as rutas do seu blog "Viaxando en furgo". Repasamos a actualidade máis turística e anotámonos na nova edición da "Epic Race Pontevedra". Como cada primeiro venres do mes, temos cuchipanda cos amigos de Polo Correo do Vento. Rematamos a viaxe en Ribadavia degustando o mellor viño na 56ª Feira do Viño do Ribeiro
Onda Cero Galicia
26/04/2019 06:00
Comezamos o programa co balance turístico da Semana Santa e repasando outras cuestións da actualidade máis viaxeira. Convidamos á xornalista Julia Varela, unha galega viaxeira que acaba de publicar a súa primeira novela e que nunhas semanas vai a Israel a comentar o festival de Eurovisión. Percorremos múltiples rutas por Galicia con Pablo Conde desde Volta Montana e rematamos a viaxe coñecendo os detalles da nova edición do "Sacra Fest"
Gente Viajera de Galicia
12/04/2019 06:00
Comezamos celebrando que as montañas do Courel acaban de ser catalogadas como o primeiro Xeoparque Mundial da Unesco e, nesta viaxe antes da Semana Santa, visitamos Ferrol e Viveiro. Convidamos a dous guías profesionais para coñecer o traballo da APIT - Asociación Profesional de Guías de Turismo de Galicia e percorremos o Camiño Portugués ao seu paso por Caldas de Reis. Para completar a viaxe comemos unha receita de premio: a cociñada por Diego Bello no I Certame Estrella Galicia de Cocina Atlántica celebrado no Salón Gourmets de Madrid
Onda Cero Galicia
05/04/2019 06:00
Onda Cero Galicia
05/04/2019 06:00
A candidatura da Ribeira Sacra a Patrimonio da Humanidade da UNESCO centra a atención do programa deste venres. Ademais, facemos enoturismo polas adegas do grupo Terras Gauda con Antón Fonseca e organizamos #cuchipanda con Polo Correo do Vento. Rematamos a viaxe na V Feira do Caravaning de Galicia organizada en Fexdega
Onda Cero Galicia
29/03/2019 06:00
Esta semana viaxamos ata SOBER para vivir coa súa xente o "Mes do Amandi" previo á fin de semana grande do 13 e 14 de abril na que celebrarán a XXXIX Feira do Viño de Amandi.. Volve escoitar o programa desde a Oficina de Turismo co alcalde de Sober, Luís Fernández Guitián, e con moitos dos protagonistas que fan da Ribeira Sacra un destino de calidade internacional
Onda Cero Galicia
22/03/2019 06:00
A viaxe desta tarde lévanos a percorrer a Ribeira Sacra coa primavera recén estreada: Pablo Conde desde "Volta Montana" é o noso guía #GaliciaLover. No tempo da entrevista viaxeira convidamos a Alberto Ribas, un dos organizadores do "Cocido Day". Visitamos o Museo de Pontevedra para contemplar unha das obras de El Greco que o Museo del Prado trae ata Galicia na xira coa que está a celebrar o bicentenario. A viaxe remata na ría de Viveiro, descansando no Resort Las Sirenas
