Sen Feira da Rosca hoxe en Sober por mor da Covid19. Falamos co alcalde Luis Fernández Guitián. Co xerente do CCU de Monforte, Ángel Folgueira, falamos do auto-cine que preparan para a última fin de semana de agosto no estacionamento do Parque dos Condes. Repasamos con Martin Alemparte, xerente do GDR Ribeira Sacra Caurel, como se resolveu a última concesión de axudas do programa Leader que xestionan. Entre outros asuntos, entrevistamos tamén ao presidente do CRDORS, José Manuel Rodríguez.

Abrimos programa o espazo adicado ao sector vitícola, co técnico Alfonso Losada repasamos controis de maduración e últimos tratamentos que precisan as viñas. Arantxa Vidal, psicóloga da AECC fálanos da campaña que teñen en marcha para lembrar as festas patronais e á vez recadar cartos para as actividades da propia asoc. Co alcalde de Bóveda, José Manuel Arias falamos do proxecto que van a executar para poñer en valor o conxunto etnográfico do Souto. Xurxo Martínez, da Asociación de veciños de Vilachá de Salvadur, cóntanos por qué pode ser pre-románica a igrexa de Rozabales. Repasamos datos laborais da zona sur con Mario Docasar, secretario de acción sindical de CCOO en Lemos. Entre outros asuntos, dos casos positivos da Covid19 aparecidos en Chantada falamos co enfermeiro do Centro de Saúde do citado Centro, Ildefonso Piñeiro.

Abrimos programa conversando con Carmen Rodeja da ARMH das escavacións que hoxe comezaron en Fornelas para recuparar restos de de dous veciños fusilados no 36. Co director xerente do Hospital Comarcal de Monforte, Iván Sanz, repasamos a incidencia da Covid na zona e do estado no que se atopan as dúas mulleres que permanecen ingresadas do brote de O Saviñao. Falamos dos accesos á fervenza de Augacaída onde se feriu esta fin de semana unha muller que caíu na zona. Entre outros asuntos rematamos programa conversando con Manuel Macía González, un dos produtores de mel que participa hoxe na mostra que se celebra en Quiroga.