Onda Cero Galicia
27/02/2017 11:51
Venres de cuchipanda on the radio con Quique Mauricio e Carlos Taboada (Polo Correo do Vento)! No tempo da entrevista viaxamos a Nápoles guiados polo galego Javier Montenegro: relátanos a súa aventura en bici desde a cidade italiana ata Gondomar. Para durmir escollemos Xinzo de Limia e a Casa do Mosteiro. E esta semana a viaxe express lévanos nun voo directo ata a Cidade Atlántica 2017: Las Palmas de Gran Canaria.
Onda Cero Galicia
17/02/2017 06:00
Esta semana temos como guía a un cociñeiro galego do mundo que acaba de inaugurar novo restaurante en Valencia: Pepe Solla é o viaxeiro convidado da entrevista. Repasamos a actualidade e facemos unha pequena viaxe polo Ourense de Carlos Casares. Poñemos en valor o traballo das axencias de viaxe coñecendo o "Club de Viajeros" de Viajes Rascado con Sara Redondo e sentámonos en torno a un bo cocido con Alberto Ribas desde a organización do #CocidoDay
Onda Cero Galicia
10/02/2017 06:00
A actualidade da semana e unha viaxe express co amor como guía por Pontevedra abren o programa deste venres no que viaxamos polo mundo coa actriz, directora e fundadora da compañía VOADORA, Marta Pazos. Para comer imos primeiro aprender a cociñar cunha mestra viaxeira: Anna Mayer, á fronte de obradoiros de cociña no Mercado de Abastos de Compostela. E para descansar visitamos Sarria e o Hotel Alfonso IX, onde descubrimos unha exposición de arte itinerante
Onda Cero Galicia
27/01/2017 06:00
Comezamos repasando a actualidade do sector e viaxando polo mundo guiados por Juan Teixeira, fotógrafo vigués que vén de colaborar co libro "A ruta dos refuxiados". A curiosa viaxe express deste venres dedicámola ao proxecto "Xuntos no Camiño". Estreamos voces viaxeiras para descubrir Galicia: cada último venres do mes irémonos de "cuchipanda" cos mozos de "Polo Correo do Vento" (Carlos Taboada e Quique Mauricio). Para descansar visitamos Vigo e un novo hotel no que aprendemos os conceptos econochic e smart sleep.
Onda Cero Galicia
20/01/2017 06:00
Esta semana celébrouse FITUR en Madrid e centramos o programa en coñecer a presenza galega nesa Feira Interncional de Turismo. Guiados por promotores de eventos, presidentes de asociacións e diferentes administracións percorremos as Rías Baixas, a provincia de Lugo, a Costa Ártabra e a cidade de Ourense
Onda Cero Galicia
13/01/2017 06:00
Comezamos un novo ano no programa con moitas ganas de viaxar para seguir descubrindo Galicia e coñecendo galeg@s viaxeir@s que levan o nome de Galicia polo mundo. Este venres viaxamos coa cantante e produtora, Uxía Senlle. Facemos unha "curiosa viaxe express" percorrendo humidais para facer un censo da aguia peixeira coa Sociedade Galega de Ornitoloxía, comemos co cociñeiro Kike Piñeiro na Horta do Obradoiro (Compostela), e durmimos nun hotel con spa no corazón das Rías Baixas: Carlos I Silgar (Sanxenxo)
Onda Cero Galicia
26/12/2016 14:51
Último programa do ano que nos leva de viaxe ata Moscú en moto para volver a Galicia e degustar o mellor albariño no Salnés e os mellores queixos en Cuntis. Produtos 100% galegos que exercen de embaixadores polo mundo.
Onda Cero Galicia
19/12/2016 17:06
Onda Cero Galicia
19/12/2016 17:06
Percorremos Galicia para visitar, comer e durmir cos mellores anfitrións: a carreira Sin Son 2016 é a ruta que facemos esta semana guiados pola súa organización, comemos o galo de curral de Vila de Cruces e durmimos no Retiro do Conde en Monterrei. A galega viaxeira que nos visita levaranos ata Mozambique, onde leva vivindo 16 anos como cooperante. Coa música de Xoel López marcamos unha completa axenda para desfrutar da fin de semana
Onda Cero Galicia
12/12/2016 12:41
Esta semana percorremos o mundo co gaiterio Xose Manuel Budiño guiados pola súa música remasterizada no disco "Paralaia" 20 anos despois. Repasamos a actualidade do sector co presidente do Cluster de Turismo de Galicia e coñecemos un novo proxecto para visitar a Ribeira Sacra: www.turisana.es con Ana Buján como guía. Ademais, comezamos xa a pensar nas celebracións do Nadal e nos agasallos diferentes visitando o Hotel Balneario Compostela
Onda Cero Galicia-Programa especial desde Culturgal
05/12/2016 13:47
Este venres saímos dos estudio e visitamos o recinto Feiral de Pontevedra onde se celebra o CULTURGAL 2016.Esta ano é a novena edición da Feira das Industrias Culturais de Galicia e entre música, libros,cine, teatro e arte viaxamos por toda Galicia.Conversamos co director da feira, Xose Manuel Aldea e co encargado do Restaurante Fogar de Santiso.Coñecemos de primeira man a cultura patrimonial da provincia de Pontevedra co deputado Xosé Leal e Anxos Riveiro, concelleira de Pontevedra profundiza na cultura do concello. A editorial galega de ámbito internacional Kalandraka preséntanos as súas novidades e rematamos con Francisco Gonzalez, presidente do Cluster Turismo de Galicia.
