Proba de carga no viaduto de San Benito

Proba de carga realizada no día de hoxe no viaduto de San Benito da nova conexión do polígono de San Cibrao das Viñas coa A-52. A proba de carga é un conxunto operacións de control preceptivo nas pontes antes da súa apertura ao tráfico e ten por obxectivo comprobar a axeitada concepción, estabilidade e comportamento da estrutura.

O viaduto de San Benito está constituído por 11 vanos de lonxitudes iguais de 41 metros, cunha lonxitude total de 451 m. Está formado por un taboleiro de 13,30 m de ancho.

A proba de carga realízase cun tren de cargas formado por 4 camións de 4 eixes cun peso total, cargados, de 40 toneladas cada un.

Durante o proceso mídese a flecha (deformación) máxima producida pola carga, que debe ser inferior a 2 cm, e a recuperación ao seu estado orixinal. Efectúase este procedemento e a comprobación dos datos en cada un dos vanos do viaduto.