A celebración da Semana Santa de Paradela ten un carácter litúrxico e profano ao mesmo tempo. Conxuga a relixón, como profundo sentimento dos fieis, e o teatro, como forma de representación. É unha tradición que se manten na zona desde hai máis de dous séculos grazas á “Cofradía de Semana Santa y Pascua de Santa María de Paradela”. Co paso dos anos adquiriu gran popularidade, sendo unha das festas tradicionais máis sonadas e prestixiosas da Comarca do Salnés. Na preparación e escenificación dos diversos actos que se realizan, participan máis de cen persoas, a maioría delas cofrades. A escenificación conta cun gran decorado e todas as actuacións son ao aire libre.
Este é o programa:
DOMINGO DE RAMOS - 2 DE ABRIL12:30 H Escenificación da Entrada Triunfal en Xerusalén e Bendición de Ramos na Praza do Outeiro
21:30 H Escenificación das Vodas de Caná no Monte da Croa
XOVES SANTO - 6 DE ABRIL
20:30 H Actos litúrgicos na igrexa
22:00 H Escenificación da Última Cea de Xesús no adro da igrexa
VENRES SANTO - 7 DE ABRIL
11:30 H Escenificación das Derradeiras horas de Vida de Xesús no adro da igrexa. Via Crucis ata o Monte da Croa e Crucifixión.
20:30 H Oficios litúrxicos na igrexa e posteriormente reparto de velas
22:00 H Desencravo e Descendemento de Xesús no Monte da Croa. Procesión do Santo Enterro
SÁBADO DE PASCUA - 8 DE ABRIL
20:30 h Misa de Resurrección. Ao rematar, degustación gratuita de Rosca de Pascua.
DOMINGO DE PASCUA - 9 DE ABRIL
12:30 H Escenificación da Resurrección de Xesús no adro da igrexa
13:00 H Santa Misa cantada
