Dende hoxe os ourensáns poderan consultar na sede do antigo Banco de España ou na web Ourense.es o documento do novo plan xeral de urbanismo. Serán 3 meses de exposición nos que tamén se poderán facer alegacións que a edil de urbanismo, Aurea Soto agarda que cheguen "coma un tsunami" debido aos cambios introducidos na edificabilidade trala caída do anterior plan anulado pola xustiza. Soto volvia a defender a "calidade" do documento e resaltaba o esforzó "titánico" dos redactores e do gobernolocal para sacalo adiante e fixo un chamamento á sociedade ourensá para que colabore "pensando no interés xeral". Os populares pedironlle ao gobernó socialista que a exposición esté aberta ao público tamén en horario de tarde e sábados pola mañá. Por agora o horario previsto é de 9 a 14 horas de luns a venres. Onte o Pp renunciou a acudir ao acto inaugural da exposición acusando ao gobenro local de facer un “paripé” no dia previo á apertura ao publico e revindicando "máis participación cidadá tras meses de oscurantismo". Os populares arrancan hoxe na CEO unha rolda de encontros con diversos colectivos cidadás e empresariais para analizar o documento.
