lalin

Esta semana o convidado no Hotel Rías Bajas é o lalinense Florentino Cacheda, deseñador de moda e fundador da empresa "Florentino". Durante a conversa, contounos que escapou a Barcelona cando era mozo para estudar moda, alí formouse en patronaxe e deseño feminino porque sempre lle interesou máis vestir á muller, a pesar de que despois a vida levouno a especializarse en moda masculina. Aos seus 82 anos segue coa mesma ilusión coa que comezou a montar talleres de costura polas parroquias de Lalín nos anos 60, antes de poñer a funcionar a súa fábrica. Unha ilusión que transmite na voz e na mirada cando fala do seu paso por EEUU nos anos 80, cando ata Clint Eastwood namorou dos seus deseños. Neste podcast podes volver escoitar a entrevista con Susana Pedreira.

Abrimos o programa coa actualidade de Nadal e buscando a predicción metereolóxica para esta Noite Boa. No tempo da entrevista conversamos co portavoz do PP de Pontevedra, Rafa Domínguez. No asunto semanal a saúde é a protagonista, hoxe somos altavoz do movemento "Enfermeiras eventuais en loita" conversando coa enfermeira Catuxa Lagarón. Ademais, como cada martes, completamos o programa coas mellores recomendacións Cronopios. Bo Nadal!