Atrapados pola neve en Pena Trevinca

Entre os atrapados había catro turismos e vinteoito moteiros que acudiron a unha concentración denominada “motoxeada” en Fonte da Cova, a case mil oitocentos metros de altitude, cando as previsións de neve rondaban os mil metros na xornada dominical.

O traballo da garda civil de tráfico e das quitaneves da Xunta permitiu limpar a via e que os afectados puideran sair de Pena Trevinca tras pasar algúns deles un tempo nun hotel-refuxio que existe na zona.

Dende a garda civil advertiron da importancia de non asumir risgos innecesarios e lembraron aos organizadores do evento moteiro que deberían ser os responsables de garantir a seguridade dos participantes con independencia da actuación realizada polos servizos de emerxencias.