Un dos partidos máis agardados da temporada no panorama futbolístico ourensán dispútase esta tarde no campo do Couto. Os dous equipos están loitando polo mesmo obxectivo, escapar dos últimos 6 postos da táboa clasificatoria e, deste xeito, permanecer unha temporada máis na terceira división galega.
Unión Deportiva Ourense
O equipo de Fernando Currás actúa cómo local e ocupa nestos momentos ocupa a posición número oito do Subgrupo 1B da terceira galega a sólo 2 puntos do sexto clasificado e mesmo a 3 do cuarto clasificado, o Choco. Os vermellos chegan con moitas baixas ó partido desta tarde: Pablo Corzo, Hugo García, Cabanyes, Tiago, Amin, Charly e (previsiblemente) Isi o que fará que o adestrador da UD Ourense teña que botar man de algún xogador do equipo xuvenil.
Ourense CF
O equipo pontino que chega aínda máis exixido a este envite, ten 2 puntos menos que a UD Ourense, ocupa a 10ª posición na clasificación e está, polo tanto, a 4 puntos do corte de permanencia aínda que ten un partido menos disputado, o adiado frente ó Alondras. Rubén Domínguez ten a baixa do dianteiro Wadir sancionado despois da súa expulsión no ultimo partido.
Onda Vermella
Os adestradores de ambos equipos, Fernando Currás e Rubén Domínguez, pasaron pola canle de Youtube da Unión Deportiva Ourense
Ademáis do derby das Burgas, esta xornada déixanos un partidazo en Calabagueiros entre Centro de Deportes Barco e Club Deportivo Arenteiro cos valdeorreses loitando polos mesmos obxectivos que os dous equipos da capital e os do Carballiño tentando aumentar a súa renda o frente do grupo sur da terceira división galega.
