Temas

noticias turísticas

Onda Cero Galicia

Gente Viajera de Galicia 29-04-2016

Este venres en Gente Viajera de Galicia imos ata GRECIA pero a viaxe fáisenos dura porque non imos de turismo, imos coñecer a realidade de LESBOS e IDOMENI con tres galegos viaxeiros solidarios que acaban de volver dos campos de refuxiados sirios. Ademais, emprendemos ruta con DESTINO GALICIA para facer Perriturismo, comer e beber (con moderación...) na Feira do Viño de Vilachá de Salvadur na Pobra do Brollón, e durmir nun cinco estrelas mirando ao mar na cidade da Coruña, no Hotel Finisterre. Marcaremos tamén unha axenda cultural e de ocio para desfrutar da fin de semana a ritmo de Dirty Dancing 

Onda Cero Galicia

Gente Viajera de Galicia 22-04-2016

A viaxe deste venres levaranos polas catro provincias galegas con parada en Melide para sumarnos á súa Foliada, en Friol para durmir nun hotel entre natureza neste día Mundial da Terra, en Arbo para degustar a lamprea estreando a distinción de "interese turístico nacional" para a súa festa gastronómica, e en Ourense para abrir a AXENDA da fin de semana. No tempo da entrevista convidamos a tres galegos viaxeiros grazas ao cine: Luís Tosar, Mario Casas e Farruco Castromán, que estrean nova película nas carteleiras e no Festival de Cine de Málaga: "Toro", rodada entre Galicia e Andalucía

Onda Cero Galicia

Gente Viajera de Galicia 08-04-2016

Este venres percorremos Galicia desde a costa ata o interior para visitar unha das localizacións da película de Almodovar que se acaba de estrear: ARES será o lugar escollido. Deixamos a costa da Coruña para comer no interior da provincia de Lugo buscando unha das mellores fabadas do mundo, a que se cociña no Bar Plaza de Monforte de Lemos. Para durmir subimos ata 2000 metros de altura e descansamos no primeiro Hotel Starlight de Galicia: A Aira da Petada no concello da Veiga, coa Pena Trevinca ante nós. E de viaxe fóra de Galicia ímonos co actor Carlos Blanco e o debuxante Luís Davila, que acaban de volver de Edimburgo e estrean novo espectáculo, "Menú da Noite".

Onda Cero Galicia

Gente Viajera de Galicia 29-01-2016

Repasamos a actualidade do sector turístico e entrevistamos a unha galega viaxeira: Luisa Márquez, mestra e coordinadora das Rede Galega de Escolas da UNESCO. Coa noso guía 4x4 emprendemos ruta con DESTINO GALICIA visitando Verín, comendo en Cuntis e durmindo en Compostela. Ademais, como cada venres, completamos a viaxe cunha AXENDA cultural e de ocio

Onda Cero Galicia

Gente Viajera de Galicia 11-12-2015

Esta semana visitamos Ourense guiados polo seu alcalde, Jesús Vázquez, o noso convidado no tempo da entrevista. Repasamos a actualidade do sector turístico e coa nosa guía 4x4 facemos parada na Comarca de Quiroga coñecendo o seu patrimonio xeolóxico, comemos en Pontecesures na súa ruta de tapas da matanza, durmimos en Fisterra a pé da praia Langosteira no hotel con mellor reputación de Galicia segundo os usuarios de trivago.com. Ademais, como cada venres marcamos unha completa axenda para gozar da fin de semana

Onda Cero Galicia

Gente Viajera de Galicia 04-12-2015

Comezamos repasando a actualidade do sector turístico e conversando cun galego viaxeiro: Xoel López que nos presenta o seu último disco "Paramales" e nos leva ata o outro lado do charco. Coa nosa guía 4x4 visitamos a cidade de Lugo para celebrar o XV Aniversario da Muralla como Patrimonio da Humanidade, comemos en Manzaneda convidados ás xornadas de promoción do porco celta, faCemos parada para durmir en Pontevedra sumándonos ás actividades do Culturgal, e marcamos unha completa axenda para gozar da fin de semana

Onda Cero Galicia

Gente Viajera de Galicia 13-11-2015

Comezamos unha nova edición de Gente Viajera de Galicia repasando a actualidade do sector turístico e conversando cun galego viaxeiro: o músico e cantante Davide Salvado que nos presenta o seu disco "Lobos" co que está a viaxar por lugares tan dispares como Canadá ou Bélxica. Coa nosa guía 4x4 ímonos de tapeo ata a cidade de Pontevedra, sacámonos a foto no banco máis bonito do mundo en Loiba (Ortigueira) e faremos parada para durmir a poucos quilómetros para admirar sen presa e con calma a beleza das Rías Altas. Ademais visitamos dúas adegas no norte e no sur de Galicia e marcamos unha completa axenda para gozar da fin de semana

Onda Cero Galicia

Gente Viajera de Galicia 06-11-2015

Co repaso pola actualidade do sector turístico comezamos unha nova edición de Gente Viajera de Galicia na que incorporamos á actriz, presentadora e cantante Teté Delgado á nosa familia de galeg@s viaxeir@s. A GUÍA 4x4 con DESTINO GALICIA lévanos de ruta esta semana ata Monforte de Lemos seguindo as pegadas de Manuel María, propónnos comer en Campo Lameiro entre arte rupestre e con carne de caza no prato, e para durmir lévanos ata unha cidade monumental e de cine. Por último, na provincia de Ourense abrimos a nosa axenda de fin de semana.

Onda Cero Galicia

Gente Viajera de Galicia 30-10-2015

Comezamos o programa repasando a actualidade do sector turístico e entrevistando a galegos que co seu traballo levan o nome de Galicia polo mundo: esta semana o escritor vigués Pedro Feijoo é o protagonista e con el percorremos Vigo e Barcelona coa súa nova novela como guía. Ímonos de ruta pola provincia de Pontevedra sumándonos ás andainas de outono que organiza o Concello de Marín, comemos na Mariña Lucense escollendo entre 20 restaurantes dentro do "mes da maxia", durmimos no mellor parador de España segundo os usuarios de Tripadvisor: o Parador de Santo Estevo de Ribas de Sil, e na provincia da Coruña abrimos a nosa axenda de fin de semana

Onda Cero Galicia

Gente Viajera de Galicia con Susana Pedreira 18-09-2015

Estreamos nova temporada de Gente Viajera de Galicia repasando a actualidade da semana en materia turística. Inauguramos o espazo de entrevistas cun galego viaxeiro que chega a millóns de persoas en todo o mundo a través das traduccións dos seus libros: Manel Loureiro acaba de publicar "Fulgor" e visitou o noso programa. Viaxamos por Galicia coa nosa "Guía 4x4" buscando resposta ás preguntas de todo viaxeiro: Que visitar?, onde durmir?, onde comer? e que facer?