Los cuentos han de tar redactaos en llingua asturiana, respetando les normes ortográfiques vixentes. Sedrán inéditos, de tema llibre, non premiaos n’otros concursos lliterarios y que nun tean suxetos a nengún compromisu d’edición.
Los rellatos han de tener una estensión máxima de 10 folios y presentase mecanografiaos a doble espaciu, per una sola cara. Unviaránse l’orixinal en papel y una copia en versión informática (CD). Cada autor o autora nun podrá presentar namás qu’una obra.
Les obres, ensin firma, tienen de presentase con nomatu. Ésti apaecerá nuna plica, en sobre zarráu, onde constarán nome y apellíos del autor o autora, númberu del DNI, teléfonu de contautu, señes y currículu (con semeya).
Los cuentos han d’unviase a: Ayuntamientu de Bimenes (pal XXIV Concursu de Cuentos pola Oficialidá del Asturianu). Plaza de Miranda de l Douro, s/n. CP 33527 – Martimporra (Bimenes). Afítase’l teléfonu de contautu ya información que vien darréu: 985700004. El plazu de presentación fina’l día 31 d’agostu de 2021 (fecha del matasellos de correos).
El ganador llevará 600 euros de premiu.
Pa consultar les bases al completu podéis empobinavos a la web municipal del conceyu.
