SES

O IES Sánchez Cantón de Pontevedra foi o escenario dun novo encontro de "Cántamo... en galego" con María Xosé Silvár, Sés, como convidada para presentar o seu último disco: "Rabia ao silencio". Entre cancións e preguntas tamén apareceron as confesións, como as ofertas para entrar na política que tivo nos últimos anos, o difícil que é quererse a unha mesma estando sometida a xuízos contantes pola opinión pública, ou o que lle custa controlar a rabia para vivir loitando pero na alegría. Sés defende que o único que nos pode salvar agora mesmo é unha revolución cultural e o seu último disco ("Rabia ao silencio") é un alegato a favor da liberdade que chega coa intelixencia e a cultura. Volve escoitar neste podcast a entrevista con Susana Pedreira

Nunca tivo ansias de liderado pero o mellor premio como artista recoñece que é saber que axuda a sufrir menos a quen a escoita. María Xosé Silvar ten novo disco e aceptou a invitación de Onda Cero Pontevedra para visitar a cidade e protagonizar un novo encontro dentro do noso proxecto "Cántamo... en galego!". Desde o salón de actos da Escola Oficial de Idiomas cheo de público falamos con SES da música e da vida que, no seu caso, van sempre da man. Confesounos que os libros lle salvaron a vida cando era adolescente e que se sinte ridiculamente intensa para os tempos que corren. Non renuncia a deixar "semente de vencer" coa súa música e a súa actitude que, catro discos despois, segue a ser a dunha artista que decidiu ter como prioridade aprender a quererse a si mesma e non caer na tentación de "subirse ao carro". Antes do verán vai reeditar o seu primeiro disco, "Admirando a condición", e nós intentamos convencela para que venza o seu pudor e publique un libro de poemas. Aquí podes escoitar a entrevista íntegra.