noticias turísticas

A-Z

Onda Cero Galicia

25/04/2016 11:18

Gente Viajera de Galicia 22-04-2016

A viaxe deste venres levaranos polas catro provincias galegas con parada en Melide para sumarnos á súa Foliada, en Friol para durmir nun hotel entre natureza neste día Mundial da Terra, en Arbo para degustar a lamprea estreando a distinción de "interese turístico nacional" para a súa festa gastronómica, e en Ourense para abrir a AXENDA da fin de semana. No tempo da entrevista convidamos a tres galegos viaxeiros grazas ao cine: Luís Tosar, Mario Casas e Farruco Castromán, que estrean nova película nas carteleiras e no Festival de Cine de Málaga: "Toro", rodada entre Galicia e Andalucía

Onda Cero Galicia

11/04/2016 10:30

Gente Viajera de Galicia 08-04-2016

Este venres percorremos Galicia desde a costa ata o interior para visitar unha das localizacións da película de Almodovar que se acaba de estrear: ARES será o lugar escollido. Deixamos a costa da Coruña para comer no interior da provincia de Lugo buscando unha das mellores fabadas do mundo, a que se cociña no Bar Plaza de Monforte de Lemos. Para durmir subimos ata 2000 metros de altura e descansamos no primeiro Hotel Starlight de Galicia: A Aira da Petada no concello da Veiga, coa Pena Trevinca ante nós. E de viaxe fóra de Galicia ímonos co actor Carlos Blanco e o debuxante Luís Davila, que acaban de volver de Edimburgo e estrean novo espectáculo, "Menú da Noite".

Onda Cero Galicia

05/04/2016 11:57

Gente Viajera de Galicia 01-04-2016

Na viaxe desta semana chegamos ata a cidade china de XIAMEN guiados por un arquitecto galego, visitaremos os lugares máxicos do Camiño de Santiago a través de fotos e relatos (www.1000caminos.com), comeremos as OSTRAS en Arcade (Soutomaior) e durmiremos nunha pousada a pé dun castelo e rodeada de xardíns. Ademais, como cada venres, repasamos a actualidade da semana e marcamos unha AXENDA cultural e de ocio

Onda Cero Galicia

21/03/2016 14:35

Gente Viajera de Galicia 18-03-2016

Comezamos repasando a actualidade do sector turístico e conversando cunha galega viaxeira: a alpinista Chus Lago. Coa nosa guía 4x4 visitamos a cidade de Ourense para celebrar cun baño termal o Día Mundial da Auga (22 de marzo), comemos receitas con camelia na LII edición do concurso/exposición da camelia en Pontevedra, e durminos nunha aldea de tres casas convertidas en hotel en Camariñas. Ademais, como cada venres, marcamos axenda cultural e de ocio en Galicia

Onda Cero Galicia

14/03/2016 12:18

Gente Viajera de Galicia 11-03-2016

Comezamos repasando a actualidade do sector turístico e conversando cun galego viaxeiro: Ramón Huidobro, director xeral do Consello Regulador da DO Rías Baixas. Coa nosa guía 4x4 visitamos o Parque Arqueolóxico da Arte Rupestre de Campolameiro, comemos as uñas na Taberna da Feira en Compostela para celebrar a festa de San Lázaro, e durminos no Hotel Piornedo aproveitando a fin de semana de sol con neve nos Ancares. Ademais, como cada venres, marcamos axenda cultural e de ocio en Galicia

Onda Cero Galicia

29/02/2016 13:30

Gente Viajera de Galicia 26-02-2016

A pesar do temporal ímonos de viaxe por Galicia visitando a Costa da Morte para descubrir "O Camiño dos Faros", comeremos na cidade de Lugo estreando carta no restaurante Paprica do chef Alvaro Villasante, e durmiremos nun dos concellos protagonistas da semana co anuncio de fusión: Cerdedo, alí visitamos a pequena aldea de Pedre e a casa A Florinda. O galego viaxeiro que nos acompaña no tempo da entrevista é o campión de España de baile deportivo, Adrián Esperon. Ademais, repasamos a actualidade da semana e completamos a viaxe con propostas de ocio para a fin de semana.

Onda Cero Galicia

22/02/2016 16:53

Gente Viajera de Galicia (19-02-2016)

Coas primeiras neves deste 2016 imos ata Manzaneda para durmir nun fermoso pazo a 15 minutos da estación de esquí, comemos o petote en Cotobade e comezamos a Ruta da Camelia no Pazo de Mariñán (Bergondo). O galego viaxeiro que nos acompaña no tempo da entrevista é o xornalista e escritor, Manuel Rivas, co que cruzamos o charco visitando Bos Aires e seguimos a estela dos seus libros traducidos a máis de 30 idiomas. Ademais, repasamos a actualidade da semana e completamos a viaxe con propostas de ocio para a fin de semana.

Onda Cero Galicia

01/02/2016 10:19

Onda Cero Galicia

01/02/2016 10:19

Gente Viajera de Galicia 29-01-2016

Repasamos a actualidade do sector turístico e entrevistamos a unha galega viaxeira: Luisa Márquez, mestra e coordinadora das Rede Galega de Escolas da UNESCO. Coa noso guía 4x4 emprendemos ruta con DESTINO GALICIA visitando Verín, comendo en Cuntis e durmindo en Compostela. Ademais, como cada venres, completamos a viaxe cunha AXENDA cultural e de ocio

Onda Cero Galicia

18/01/2016 10:46

Gente Viajera de Galicia 15-01-2016

Na viaxe deste venres ata cambiamos de continente: o vigués Oscar Bruzón lévanos ata a India, onde leva 4 anos vivindo e traballando como director técnico e asistente de adestradores de fútbol. Coa nosa guía 4x4 volvemos a Galicia para visitar o Faro Vilán en Camariñas, inaugurar o Mes do Cocido en Lalín, e durmir nun dos lugares de paso de La Vuelta Ciclista 2016 pola provincia de Ourense, Ribadavia. Ademais, como cada venres, repasamos a actualidade do sector no noso noticiario turístico e completamos con propostas de ocio a axenda de fin de semana.

Onda Cero Galicia

14/12/2015 10:31

Gente Viajera de Galicia 11-12-2015

Esta semana visitamos Ourense guiados polo seu alcalde, Jesús Vázquez, o noso convidado no tempo da entrevista. Repasamos a actualidade do sector turístico e coa nosa guía 4x4 facemos parada na Comarca de Quiroga coñecendo o seu patrimonio xeolóxico, comemos en Pontecesures na súa ruta de tapas da matanza, durmimos en Fisterra a pé da praia Langosteira no hotel con mellor reputación de Galicia segundo os usuarios de trivago.com. Ademais, como cada venres marcamos unha completa axenda para gozar da fin de semana