Deputación Pontevedra

"A única forza que importa é a que constrúe, é a verdadeiramente poderosa. É lenta, non ten data para finalizar a construción pero non dubida de que é útil. Non avanza á velocidade que o seu traballo merece porque no camiño ten que explicar demasiado a quen non entende, pero non importa, non se detén. Non nos detemos, aquí estamos un 8M máis explicando o obvio, cansas pero fortes. Se dalgo saben as mulleres que nos trouxeron ata aquí ás demais é de tirar para adiante a pesar do cansazo de cargar coa vida enteira ao lombo. Que vivimos nun mundo violento e discriminatorio, marcado por roles e desigualdades que empeoran a vida de todas e todos, é unha obviedade, non é unha opinión. Non admite discusión. Ser negacionista da violencia neste mundo en guerra invalida calquera discurso. Ser negacionista da violencia machista, o mesmo. Negar que este mundo discrimina por sexo, xénero, raza, poder adquisitivo, formación, físico, capacidades e diversidades, é non vivir neste mundo, ou peor... vivir nel desde a cegueira dos privilexios". Así comezou hoxe Susana Pedreira o programa local de Onda Cero Pontevedra con motivo do 8 de marzo, Día Internacional da Muller.

Luis Cerdeira conversa ca presidenta da Deputación de Pontevedra, Carmela Silva. A presidenta desvela alguns detalles coma que estará presente á artista multidisciplinar Julia de Castro. Ambas darán o tiro de saída á campaña “Orixe Rías Baixas” cunha espectacular posta en escena, con vídeos, música e moitas sorpresas, na que as tradicións e a artesanía terán un papel moi relevante. Durante o acto estarán presentes alcaldes e alcaldesas da provincia e entregarase un agasallo boutique coas citas imprescindibles para desfrutar de toda a autenticidade de Rías Baixas.