O Concello de Ourense, na actual situación de crise sanitaria, limitará o acceso aos cemiterios para a festividade de defuntos para minorar o risco de transmisión da COVID19. O horario de apertura dos cemiterios municipais desde o sábado día 24 de outubro ata o día 2 de novembro será de 9.00 ata as 18.30 ininterrompidamente, pero haberá limitacións no referente á capacidade e tempo de permanencia.
A entrada aos cemiterios realizarase exclusivamente polo acceso principal, e sempre a través das vías sinaladas. Non se permitirá o acceso en coche agás ás persoas de mobilidade reducida acreditada. Ademais, só se permitirán dúas persoas por unidade de enterramento, e a permanencia máxima permitida no recinto será de 30 minutos. Este ano, eliminaranse todos os actos litúrxicos.
O aforo está limitado a:
75 persoas no cemiterio municipal de Santa Mariña.
50 persoas no cemiterio municipal de San Francisco.
25 persoas no cemiterio municipal de As Caldas