“Nin un paso atras” fai un chamamento á participar na concetración de hoxe

Só o 30% dos casos de violencia machista denúncianse en España e dun total das 1,2 millóns de denuncias presentadas entre 2009 e 2017, soamente 96 resultaron non reais, o que equivale a un 0,01%, segundo datos da Fiscalía Xeral do Estado.

A Lei Integral contra a Violencia de Xénero, foi aprobada por unanimidade de todos os grupos parlamentarios no 2004 e fixo de España o país máis adiantado en materia de protección ás mulleres. “Hoxe, amparándose en falacias, algúns puxeron a loita contra a violencia de xénero na diana, pretendendo reverter e neutralizar a lexislación da que se teñen dotado tamén moitas Comunidades Autónomas”, sinalan advertindo que “os dereitos das mulleres son intocables e non hai pacto posible cos que defenden nas institucións as pretensións dos violentos”.