Monforte na Onda 22/11/2018

Abrimos con "Los Jinetes del Trópico" que preparan concerto en Monforte para este venres. Toñito e Fernando presentan novas cancións. Con Javier Riera, falamos da intervención lumínica que prepara para este sábado en Eiré. Coa restauradora do retablo da Igrexa dos Escolapios, Vania López, buscamos a última hora sobre os traballos de limpeza que están realizando nesa peza de Fancisco De Moure. Conversamos co voceiro do PSOE no concello de Pantón, Pedro Rodriguez, sobre o proxecto da residencia da terceira idade que se vai construir en Ferreira e o escritor Lois Diéguez fálanos do acto que prepara para este sábado en Sober co colectivo O Colado do Vento. A renuncia de Roberto Eireos como cabeza de lista do PP en Monforte e a Cata Patrimonio Ribeira Sacra que empeza este venres, son outras das novas que repasamos neste programa.