Monforte na Onda 20/02/2017
A aceleradora de empresas que está funcionando na comarca de Lemos encara a recta final da primeira fase. Falamos da actividade da mesma co mentor, Alfonso Martínez. Esperta Monforte insiste na necesidade de peonalizar a ponte vella, explica os motivos Maribel García, voceira desta formación política. Entre outros asuntos da actualidade máis próxima que repasamos no programa, entrevistamos tamén á atleta monfortina Saleta Fernández, medalla de prata de atletismo no Campionato que esta fin de semana se celebrou en Salamanca.