Educación fará unha campaña de sensibilización para conquerir a vacinación total do profesorado

O conselleiro de Educación non ofreceu unha porcentaxe concreta en canto ao persoal docente que declinou a vacina, pero asegurou que é unha das máis baixas de España. Román Rodríguez adiantou que o seu departamento fará unha campaña informativa para conquerir a vacinación da totalidade do profesorado. Lembrou que a vacina é voluntaria, pero pediu responsabilidade a aqueles que a rexeitaron.