viaxe express

Primeira viaxe do ano que nos leva ata Nova York e México, dous dos destinos nos que pasaron a súa lúa de mel Diana Fernández e David Díaz, creadores de "Bolboretas no bandullo". Ademais, comezamos repasamos a actualidade e propoñendo unha viaxe express "Voando nas Rías Baixas" (https://www.depo.gal/voando-nas-rias-baixas). Poñémonos ao día coa directora da Revista Pincha, Rebeca Munín, sobre as novidades gastronómicas e culturais de Compostela e rematamos durmindo no Concello da Veiga: "O Eido das estrelas" é a casa rural na que descansamos este venres.

Percorremos Galicia cos amigos de Volta Montana para celebrar o magosto, e coa Ruta do Viño Rías Baixas para conmemorar o Día Europeo do Enoturismo. Na entrevista viaxeira visítanos Xabier Diaz, coa súa música subímonos aos escenarios de medio mundo. Ademais, percorremos o cemiterio de Boisaca, en Compostela, cunha nova guía a cargo de Carmela Sánchez, e rematamos a viaxe na comarca do Deza: Silleda como destino e Queixería Hoxe en Lalín como aposta gastronómica

Esta semana percorremos o mundo da man dunha gaiteira viaxeira, Susana Seivane. A artista galega estivo con nós poñendo banda sonora á viaxe co seu novo disco "FA". Repasamos a actualidade máis viaxeira e visitamos A Pobra do Brollón guiados polos propios veciños nas "Andainas outonizas". Repoñemos forzas comenda na cidade da Coruña co chef do NH Finisterre, Tito Fernández.

Viaxamos ata Alemaña co ilustrador Kiko da Silva, o galego viaxeiro que nos visita esta semana. Repasamos a actualidade máis turística e adentrámonos na Revista Pincha para buscar as mellores recomendacións gastronómicas e culturais na cidade de Compostela. Anotámonos á BTT da Ruta do Viño Rías Baixas e rematamos a viaxe en Lugo para vivir o San Froilán

Estreamos nova temporada repasando a actualidade da semana e falando da profesionalización do sector a través da formación co Cluster de Turismo de Galicia. A viaxe express ten como destino o maior bosque de secuoias de Europa que está en Poio. Visitamos Castro Caldelas cunha andaina nocturna e comemos o mellor marisco no Grove. Ademais, como cada último venres do mes, temos cuchipanda con Polo Correo do Vento

No programa desta semana percorremos "El Camino más dulce", os 1.000 km que separan Córdoba de Santiago a través do proxecto de Victoria Morales. Como cada último venres do mes temos cuchipanda con "Polo Correo do Vento". Ademais, repasamos a actualidade turística da semana e rematamos a viaxe descansando en Sanxenxo, mirando ao mar no Hotel Carlos I Silgar

Última viaxe de abril que comezamos co repaso pola actualidade máis viaxeira e visitando Arbo para degustar a lamprea. Visítannos os amigos de Polo Correo do Vento, Quique Mauricio e Carlos Taboada, para levarnos de #cuchipanda. Viaxamos ata o interior de Galicia para desfrutar da Foliada de Melide e, coa directora da Guía Repsol, María Ritter, rematamos a viaxe falando de gastronomía galega.

A actualidade da semana e a feira Alimentaria abren o programa deste venres. Viaxamos polo mundo cos trucos viaxeiros de Leticia Pérez e visitamos a Illa de San Simón para coñecer o proxecto "la isla interior". Rematamos a viaxe descansando en Cariño, onde atopamos un dos mellores hoteis de España para os diarios británicos "The Sunday Times" e "The Guardian": Hotel A Miranda

Comezamos o programa falando de viños viaxeiros e visitando Compostela para inscribirnos nas inscribirn nas Xornadas "Cafés patrimonio cultural". Convidamos ao escritor Pedro Feijoo para percorrer a cidade de Vigo co seu novo libro como guía: "Camiñar o Vigo Vello. Un paseo pola historia da cidade". Nesta viaxe acompáñannos os amigos de Volta Montana, Cristina Collazo e Pablo Conde, dous #GaliciaLovers que nos descubren os lugares máis auténticos. O destino final será a Ribeira Sacra para sumarnos a unha nova edición das súas visita en globo

Comezamos repasando a actualidade da semana e buscando un primeiro destino express que nos leva ata a provincia de Ourense, primeira parada no Val do Medo de Maceda. No tempo da entrevista viaxamos trazando novos mapas coa música de Guadi Galego. Visitamos a cidade de Pontevedra dunha forma moi orixinal: participando no rastrexo "Ponte a fuxir" que organizan mestres e alumnos do IES Sánchez Cantón. Rematamos a viaxe na cidade de Vigo para vivir a Reconquista