Utilizamos cookies propias y de terceros para mejorar, recoger datos estadísticos y mostrarle publicidad relevante. Si continúa navegando, está aceptando su uso. Puede obtener más información o cambiar la configuración en política de cookies.

Disfruta de la app de Onda Cero en tu móvil.

Entre micros y libros

Arantza Portabales presenta Beleza Vermella

Entre micros e libros

Arantza Portabales: "Coa dor da perda podemos vivir pero co peso da culpa é moi difícil"

Volvemos fusionar os micros de Onda Cero cos libros de Cronopios e o resultado é un novo encontro lector no que acabamos falando da vida porque dela están cheas as historias que escriben os nosos convidados. A de Arantza Portabales comeza cunha morte, a de Xiana Alén, pero a vida é a gran protagonista xunto con todos os sentimentos que nos fan estar vivos: o amor, o odio, a obsesión, o medo. Nesta novela, en "Beleza vermella", hai alguén que movido polos sentimentos toma a decisión de matar, ese alguén pode ser unha das seis persoas que na noite de San Xoán están na casa na que aparece o cadáver da moza de 15 anos sobre un enorme charco de sangue. A posta en escea é moi artística porque hai quen ve beleza en lugares raros como pode ser no sangue que emana dun corpo morto, sangue tan vermello como unha cunca de cereixas. Volve escoitar neste podcast a entrevista con Susana Pedreira

Manuel Jabois - periodista y escritor

Entre micros y libros

Jabois: "Hay mucho gallo de corral que fuera de su contexto es un mierda"

"Malaherba" es la nueva novela de Manuel Jabois, una novela única que solo él podría escribir con su estilo inconfundible. Es capaz de hacernos reír, a pesar de lo que nos cuenta, y capaz de hacernos llorar, sobre todo por lo que no nos cuenta pero que intuimos. Y al lector le pasa como a Tambu y Elvis - los niños protagonistas de la novela - en los últimos días de la niñez: le pueden prohibir saber pero no le pueden prohibir intuir y ahí es donde se hace grande la novela. En este podcast puedes volver a escuchar la entrevista con Susana Pedreira desde la Librería Cronopios de Pontevedra

Ledicia Costas - Escritora

Entre micros e libros

Ledicia Costas: "Quería escribir unha historia sobre a infancia desde o punto de vista adulto porque é a nosa patria"

Convidamos a Cronopios a unha das mellores e máis queridas escritoras galegas actuais, a viguesa Ledicia Costas coa súa nova novela "Infamia". Un libro duro porque recolle moitas das violencias reais que se dan na sociedade e que son imposibles de dixerir: hai vintecinco anos nun lugar chamado Merlo desapareceron as irmás Giraud con só 14 e 6 anos, iso cambiou a vida de moita xente para sempre e a néboa instalouse no ambiente. Alí chega Emma Cruz, unha avogada e profesora de dereito penal que tamén arrastra un trauma desde hai exactamente o mesmo tempo. Confesounos Ledicia que este libro remata onde comeza a historia que ela realmente quería escribir, polo que estamos ante unha precuela que traerá nova novela nos vindeiros meses. Escoita neste podcast a entrevista con Susana Pedreia libre de spoilers.

Domingo Villar - Escritor

Entre micros e libros

Domingo Villar: "A novela está chea de amor entre pais e fillos porque moitas das miñas bágoas ao falecer meu pai emborrallaron as páxinas"

Recibimos na Librería Cronopios ao escritor galego Domingo Villar, unha das visitas máis desexadas porque os seus lectores levaban dez anos agardando por un novo caso para o inspector Leo Caldas. Con el abrimos unha investigación, así que a entrevista está chea de dúbidas e de sospeitas, e pouco podemos contar da trama da novela "O último barco". Aínda así, falamos de moitas cousas co autor porque a trama dunha novela negra non é máis que unha excusa para falar da vida cotiá, da sociedade que se ve alterada por un suceso e das relación humanas entre os personaxes. Domingo Villar construíu unha novela a lume lento, como un bo luthier, facendo unha homenaxe aos que ensinan, aos que fan as cousas a modo e aos que aman ao mar. Volve escoitar neste podcast a entrevista con Susana Pedreira

Murado presenta en Pontevedra "Tres minutos no aire"

Entre micros e libros

MURADO: "O tempo é a materia da que está feita a vida, é o gran tema da literatura"

O escritor e xornalista Miguel Anxo Murado estivo con nós na Librería Cronopios para presentar o seu último libro, "Tres minutos no aire": unha recompilación de textos que el lía semanalmente no diario cultural da Radio Galega entre os anos 2006 e 2009. Murado escribe historias que só pode escribir un gran viaxeiro literario como el, artigos sobre a Historia, a literatura e a vida cotiá cheos de emocións ao máis puro estilo Cunqueiro, a quen recoñece que lle debe o feito de ser escritor. No fondo, o tempo como motor transformador do mundo é o gran tema en todas estas pequenas historias de Murado e confesounos que lle fascina ata tal punto como para pensar en escribir un libro unicamente sobre "o tempo" e o seu poder para poñer cada cousa no seu lugar. Volve escoitar neste podcast a entrevista con Susana Pedreira