Rebeca Munín

Cada tarde de venres saímos de viaxe en Onda Cero Galicia. Convidamos a galegas e galegos viaxeiros e percorremos vilas e cidades porque sempre hai algo novo por descubrir. Súmate á Galicia viaxeira con Susana Pedreira.

A viaxe desta tarde lévanos en globo pola Ribeira Sacra e en bici BTT pola Ruta do Viño Rías Baixas. Damos a benvida a Javier Arnau, galego viaxeiro que esta semana nos guía pola Costa Azul francesa. Ademais, repasamos a actualidade turística da semana e organizamos plans gastronómicos e culturais en Compostela e comarca con Rebeca Munín, directora da Revista Pincha.

Neste venres 17 de maio viaxamos por algúns dos escenarios importantes na vida de Antonio Fraguas: desde Cerdedo-Cotobade, a súa vila natal, ata Santiago de Compostela. Na capital galega facemos parada coa directora da Revista Pincha, Rebeca Munín, para poñernos ao día sobre as últimas propostas de cultura e gastronomía. A banda sonora do programa correu a cargo da cantante Lucía Pérez, unha galega viaxeira orgullosa do Incio que celebra 15 anos na música co seu novo traballo "Quince soles". Completamos a viaxe practicando Windsurf Foil en Limens, na ría de Vigo

Compostela, Nova York, Cangas, Cuba e Meis son os destinos escollidos para a viaxe deste venres en plena ponte festiva. Rebeca Munín, directora da Revista Pincha, fai con nós plans por Santiago comendo en A TAFONA de Lucía Freitas e visitando Nova York, onde a chef galega coordina a cociña dun restaurante galego. Ata Cuba nos leva a canguesa Sara Alfaya cunha carta familiar baixo o brazo

Nesta semana das "Letras Galegas" propoñemos unha viaxe polo mundo seguindo as pegadas dos libros e do traballo dunha editorial galega internacional como Kalandraka: Xosé Ballesteros, director e co-fundador, é o noso convidado no tempo da entrevista. Visítanos a directora da nova revista PINCHA, Rebeca Munín, para organizar unha escapada a Santiago de Compostela. Abrimos axenda coa proxección do filme "Sicixia" de Ignacio Vilar en Ponteareas e visitamos A ESTRADA para degustar o mellor salmón na nosa viaxe express de cada venres.