UBAVIDA: a aposta de Paco&Lola pola innovación

Recibimos a visita da responsable de Innovación en Paco&Lola, Ángela Yusta, para coñecer o traballo e obxectivos do grupo UBAVIDA.

É un Grupo Operativo Supraautonómico que busca desenvolver unha nova gama de viños con menor contido en alcol, pero mantendo as súas propiedades organolépticas. A través da innovación e a sustentabilidade, optimizaranse os procesos desde o viñedo ata a desalcoholización, respondendo á necesidade do sector de producir viños desalcoholizados de calidade. O 26 de maio haberá un taller demostrativo de UBAVIDA na sede da adega en Meaño. Neste enlace directo á nosa web podes volver escoitar a entrevista con Susana Pedreira no programa "Máis de Un Pontevedra".