Alberto Varela: "É unha mostra máis da calidade do contido e do continente da Praza de Abastos"

O alcalde de Vilagarcía, Alberto Varela e concelleira de promoción económica, Alba Briones, reciben hoxe o selo de Mercado Excelente da Xunta para a Praza de Abastos nun acto o que asistiu o vicepresidente primeiro e conselleiro de Economía, Industria e Innovación, Francisco Conde.

O selo Mercado Excelente premia as reformas e adaptacións que se fixeron no mercado vilagarciá, en colaboración coa Xunta, relacionadas cos accesos, a eficiencia enerxética, o mantemento, a xestión, os servizos engadidos como o local de restauración, os servizos a clientela ou as campañas de dinamización.