Barbadás é un dos concellos máis interesados no transporte metropolitán

O Concello de Barbadás é un dos concellos ourensáns máis interesados no transporte metropolitán. Así o salientou en Onda Cero o Alcalde deste municipio, José Carlos Valcárcel en Más de Uno, sinalando que todo está en mans da Xunta, pero que neste, como noutros asuntos, "nin está nin se la espera".

O rexidor de Barbadás engadíu como exemplo a demanda dun novo instituto, comprometido pola administración autonómica hai 15 anos, pero sobre o que non hai avances. Valcárcel repasou tamén algúns dos proxectos do seu actual mandato como a ampliación do polideportivo ou a reforma da Escola Municipal de Música de Sobrado.

Asemade valorou a importancia do acordo dos socialistas na Deputación co PP para aprobar o Plan CooperOU.