Abrimos programa conversando con Alfonso Martínez, director do Coworking Ribeira Sacra que se porá en marcha nas próximas semanas. Empezaron coa selección dos participantes entre os 28 inscritos. Vai rebaixando a cifra de casos activos de Covid no distrito sanitario do Hospital Comarcal. Repasamos datos coa directora, Inma Ramos. Falamos de novo material que recibiu o servizo de urxencias e de obras que a Consellería de Infraestructuras vai financiar no entorno deste Centro. E a Asociación de Veciños do barrio de Cobas, súmase por primeira vez á celebración de compadres e comadres, danos máis informaciòn a presidenta Marina López. E recambio na embaixada de España ante a Unesco, o novo embaixador comprométese a seguir traballando para que chegue a bo porto a Candidatura da Ribeira Sacra a Patrimonio da Humanidade. Escoitamos ao embaixador e ó Conselleiro de Cultura, Educación e Universidade.