Firme aposta no concello de Cambados pola compostaxe

As políticas municipais están marcando un novo rumbo coa implementación de programas de reciclaxe. O concelleiro Samuel Lago anunciou a distribución de 400 composteiros individuais

Cambados xa dispón dunha nova remesa de composteiros que vai distribuír no municipio. Esta partida ascende a 400. Repartiranse previa solicitude que se pode formalizar na web municipal. De momento, hai pendentes de atender setenta solicitudes pendentes da anterior fase deste programa.

As persoas que reciban o contedor recibirán unha formación por parte de persoal municipal respecto ao uso adecuado destes recipientes e transformar a materia orgánica en compost. Ademais, quen participe nesta iniciativa municipal recibirán trinta @estrella que poderán utilizar para realizar compras no comercio local ou recibir descontos en servizos municipais.

O colectivo ambientalista Tropa Verde é o encargado de xestionar as diferentes fases do plan de compostaxe que chegou ao municipio para quedar.

O concelleiro de Servizos, Samuel Lago, adiantou que ao programa de distribución de composteiros individuais sumaráselle, proximamente, a instalación de centros comunitarios no concello.