Polo Correo do Vento e o Museo reivindican a Lorca en Pontevedra

A partir deste martes 26 e ata o 30 de outubro, o Museo de Pontevedra acolle unha nova edición da súa ‘Semana Lorquiana’. Trátase das terceiras xornadas organizadas arredor do 25 de outubro, denominado ‘Día de García Lorca en Galiza’, que estarán dirixidas tanto a público infantil como adulto, e serán desenvolvidas por Polo Correo do Vento. Esta terceira edición vén a consolidar definitivamente o interese do Museo de Pontevedra por divulgar a relación do autor con Galiza, quen se definía a si mesmo como un “poeta galego”. Conversamos sobre a nova Semana Lorquiana con Quique Mauricio.