Cada xoves tomamos a última e marchamos con persoas que nos falan dos seus proxectos. Unha conversación coloquial e distendida á marxe da actualidade diaria. A protagonista da última de hoxe é Catalina Fernández de Ana, bióloga, micoterapeuta e directora de Hifas da Terra. Con ela falamos do traballo de investigación que fan desde Bora e da súa expansión internacional. Ademais, coñecemos os resultados preliminares dun ensaio con nutracéticos en usuarios de residencias xeriátricas diagnosticados con COVID-19. Neste enlace directo á nosa web podes volver escoitar a entrevista con Susana Pedreira en "Máis de Un Pontevedra".