As enfermeiras eventuais galegas rematan o 2019 no Parlamento Europeo

O ano 2019 supuxo un punto de inflexión para a enfermería galega, que conseguíu organizarse e alzar a voz contra a súa precariedade laboral. Hoxe no programa conversamos con Catuxa Lagarón, enfermeira en Pontevedra e membro do movemento "enfermeiras eventuais en loita". Acaban de volver de Bruxelas tras presentar unha denuncia ante a Comisión de Peticións do Parlamento Europeo. Esixen ao Sergas que poña fin á inestabilidade laboral das miles de eventuais que exercen a enfermería en Galicia, sen ter praza e acumulando centos de contratos: estiman que en 12 anos traballando un eventual pode chegar a asinar 500 contratos de media. Ademais, en 2020 caduca o "Pacto de selección temporal" e esixen aos sindicatos a constitución dunha mesa de traballo que escoite aos profesionais. Neste podcast podes volver escoitar a entrevista con Susana Pedreira.