Abrimos programa repasando actividades que se van a desenvolver esta tarde no Museo do Pazo de Tor dentro dunha iniciativa que denominan "Encontros no rural. Diálogo de saberes". Falamos delo con Encarna Lago, xerente da Rede Museística provincial. Un grupo inversor está interesado en construir no concello de O Saviñao, un centro de transformacións de xurros para convertilos en biodiesel e seguen avanzando a posta en marcha dun polígono agroforestal. Iniciativas que repasamos co alcalde, Carlos Armesto. De intercambio escolar en Francia estivo un grupo de alumnos do IES Daviña Rey que veñen á radio a falarnos da experiencia. Tais, Noa, Noe e Laura, acompañados do profesor Vicente Docasar, repasan a inmersión lingüística vivida. Entre outros asuntos toca tamén hoxe gabinete xurídico e co avogado Héctor Silva, falamos de embargos.
PROGRAMAS
Copyright © Uniprex, S.A.U., C/ Fuerteventura 12 San Sebastián de los Reyes, 28703 Madrid
